وڭتۇستىك قازاقستاندا ەڭ ۇزدىك قازاق ءتىلى ءپانىنىڭ مۇعالىمدەرى انىقتالدى
اتالمىش شارا قازاقستان تاۋەلسىزدىگىنىڭ 25 جىلدىعىنا ارنالدى. بۇل تۋرالى قازاقپارات اۋدان اكىمدىگىنىڭ باسپا ءسوز قىزمەتىنە سىلتەمە جاساپ حابارلايدى.
كونكۋرسقا وزگە تىلدە سىنىپتاردا وقىپ جۇرگەن بالالارعا ساباق بەرەتىن ۇستازدار قاتىستى.
كونكۋرستىڭ ءادىلقازىلار القاسىنىڭ مۇشەلەرى ۇستازداردىڭ كاسىبي بىلىكتىلىكتەرىن، وزدەرىن اۋديتوريادا ۇستاي ءبىلۋ ەرەكشەلىكتەرىن، پورتفوليو، وقۋ پروتسەسىندە جاڭا تەحنولوگيالاردى ءتيىمدى پايدالانا ءبىلۋ قابىلەتتەرىن باعالادى.
ءبىرىنشى ورىندى ءال- فارابي اتىنداعى ورتا مەكتەپتىڭ قازاق ءتىلى ءپانىنىڭ مۇعالىمى ءناسيبا قالانداروۆا جەڭىپ السا، ەكىنشى ورىن م. گوركي اتىنداعى №1 -مەكتەپ- گيمنازياسىنىڭ ۇستازى اينۇر حولبايەۆاعا بۇيىردى، ءۇشىنشى ورىنعا «مىرزاكەنت» مەكتەبىنەن كەلگەن مۇعالىم عاليا تورەقۇلوۆا تۇراقتادى.
بايقاۋ جەڭىمپازى مەن جۇلدەگەرلەرى ارنايى ديپلومدارمەن جانە قۇندى سىيلىقتارمەن ماراپاتتالدى.
