قازاقپارات ءتىلشىسىنىڭ پوليتسيا تۋرالى فوتوسۋرەتتەرى تارازدى كوركەيتپەك

تاراز. قازاقپارات - جامبىل وبلىستىق ءى ءى د «پوليتسيا قوعام كوزىمەن» اتتى كاسىبي جانە اۋەسقوي سۋرەتتەر بايقاۋىنىڭ قورىتىندىلادى.

اتالعان بايقاۋدى وتكىزۋ باستاماسىن «قازاقپارات» ح ا ا ءتىلشىسى ۇسىنعان.

7 -قازاندا تاراز كورمە زالىندا اشىلعان ەكسپوزيتسيادا بارلىعى جۇزگە جۋىق ەڭبەك قويىلدى.

بۇگىن جامبىل وبلىستىق ءى ءى د اكت زالىندا بايقاۋدىڭ جابىلۋى مەن فوتوبايقاۋ جەڭىمپازدارىن ماراپاتتاۋ شاراسى ءوتتى.

«تاۋەلسىزدىكتىڭ 25 جىلدىعىنا ارنالعان فوتوبايقاۋ وبلىس تۇرعىندارى پوليتسەيلەردىڭ جۇمىستارىن جاقسى بىلەتىنىن كورسەتتى»، - دەدى جامبىل وبلىستىق ءى ءى د باسشىسىنىڭ ورىنباسارى ەرجان ەگەمبەرديەۆ.

جامبىل وبلىستىق ءى ءى د باسشىسىنىڭ ورىنباسارى قازىلار القاسى جۇمىستاردىڭ كوركەمدىك دەڭگەيى، يدەيا ەرەكشەلىگى، مازمۇنى، ورىنداۋ تەحنيكاسى مەن ساپاسىنا قاراي باعالاعانىن ايتتى.

«قازاقپارات» ح ا ا ءتىلشىسى گالينا سكريپنيكتىڭ ەڭبەكتەرى جوعارى باعالانىپ، ول 1- دارەجەلى ديپلوم مەن سىياقىعا يە بولدى. وبلىستىق «زناميا ترۋدا» گازەتىنىڭ فوتو ءتىلشىسى ۆيكتور بارباش ەكىنشى جانە وبلىستىق «اق جول» گازەتىنىڭ فوتو ءتىلشىسى اعادىل رىسماحان ءۇشىنشى ورىنعا يە بولدى. ولارعا دا سىياقى بەرىلدى.

جامبىل وبلىستىق ءى ءى د اتالعان بايقاۋدى وتكىزۋدى يگى داستۇرگە اينالدىرۋعا نيەتتى.