قاراعاندىدا كوكتايعاقتا بىرنەشە اۆتوبۋس سوقتىعىستى - كەسكىن

قاراعاندى. قازاقپارات - قاراعاندىدا كۋاگەرلەر شاحتەرلەر داڭعىلىندا قوعامدىق كولىكتەردىڭ اپاتقا ۇشىراۋىنا قاتىستى ۆيدەو جاريالادى، دەپ حابارلادى قازاقپارات.

الەۋمەتتىك جەلىلەردە پايدا بولعان مۋزىكالىق سۇيەمەلدەۋى بار ۆيدەوروليك اۆتورى كوكتايعاق سالدارىنان بولعان اپاتقا كۇلە قارادى. ءتىپتى وعان كەڭەستىك فيلمنىڭ ولەڭ شۋماقتارىن دا قوسىپ قويعان. وسىلايشا، اۆتور جۇرگىزۋشىلەرگە جولدا ارا قاشىقتىقتى ساقتاۋ كەرەكتىگىن مەڭزەدى.

تاقىرىپتى پىكىر جازعاندار دا ءىلىپ اكەتتى. «جاقسى تىركەمە پويىز شىقتى»، «ارا قاشىقتىقتى ساقتاماي، ءبىر- ءبىرىن ىزىنە ءتۇستى»، «اۆتوپارك جيىنى»، - دەپ جازدى الەۋمەتتىك جەلىلەردىڭ پايدالانۋشىلارى.

«تىركەمە» دەپ اتالعان جول- كولىك وقيعاسىندا بىرنەشە اۆتوبۋس ءبىر بىرىنە سۇزە توقتاعان.

«ەكى اۆتوبۋستىڭ سوقتىعىسۋىنا قاتىستى ق ر ا ق ك 610-بابى 1- ءبولىمى بويىنشا اكىمشىلىك حاتتاما تولتىرىلدى. ءبىر جولاۋشى جاپا شەكتى. ول جەڭىل جاراقات الدى»، - دەدى وبلىستىق ءى ءى د باسپا ءسوز قىزمەتىنەن.

 اتالعان باپ بويىنشا 10 ا ە ك كولەمىندە ايىپپۇل سالۋ نەمەسە توعىز ايعا كولىك جۇرگىزۋ قۇقىعىنان ايىرۋ قاراستىرىلعان.