الماتى وبلىسىندا جاستار اللەياسى اشىلدى - فوتو

تالدىقورعان. قازاقپارات - بۇگىن الماتى وبلىسى، الاكول اۋدانىنىڭ ورتالىعى ءۇشارال قالاسىندا جاستار اللەياسى اشىلدى، دەپ حابارلايدى قازاقپارات ءتىلشىسى.

تاۋەلسىزدىكتىڭ 25 جىلدىعىنا وراي پايدالانۋعا بەرىلگەن دەمالىس ورنىندا تۇرعىندار ءۇشىن قولايلى جاعدايدىڭ بارلىعى جاسالعان. بالالارعا ارنالعان ويىن جانە فۋتبول الاڭىمەن قاتار، ۆەلوسيپەد جولىنا دا ايرىقشا كوڭىل بولىنگەن. جاڭادان اشىلعان دەمالىس ايماعى جاستاردىڭ سالاۋاتتى ءومىر سالتىن قالىپتاستىرۋ ءۇشىن وڭ سەپتىگىن تيگىزبەك دەيدى، جەرگىلىكتى بيلىك وكىلى.

ايتا كەتۋ كەرەك، بۇگىنگى تاڭدا الاكول اۋدانىندا 15 مىڭنان استام جاستار بار. بيىلدىڭ وزىندە اۋدانعا 18 مامان «ديپلوممەن اۋىلعا» باعدارلاماسى اياسىندا كەلدى. ولارعا 2 ميلليون 672 مىڭ تەڭگە كولەمىندە ءبىر رەتتىك كوتەرمە جاردەماقى بەرىلدى. جانە 8 مامانعا 25 ميلليون تەڭگە كولەمىندە تۇرعىن ءۇي الۋعا نەسيە بەرىلگەن.

  

 

 

اۆتور: سامال قابىشەۆا