دىنسىزدەرگە ارنالعان زيرات اشىلدى
مۇنداي زيراتتىڭ اشىلۋىنا دجوزەف ەردەم (Josef Erdem) ەسىمدى قاراپايىم ۇستاز مۇرىندىق بولعان. ول مۇنى ادامدار كوكتاسى قانداي بولۋى كەرەكتىگىن وزدەرى شەشكەنى دۇرىس دەگەن پىكىرىمەن ءتۇسىندىردى. وسىنداي ۇسىنىسپەن ازامات شۆەتسيانىڭ ءىرى حريستيان شىركەۋىنە جۇگىنىپ، سول جاقتان قولداۋ تاپقان.
حابارلاماعا سايكەس، زيرات ماڭىندا ءدىني بەلگىلەرى بار ەسكەرتكىشتەر ورناتىلماق، الايدا زيراتتىڭ ءوزى ءدىني نانىمنان اۋلاق بولعاندى قالايدى. ازىرگە مولا بوس، ءبىراق ۋچاسكە ساتىپ الۋ ءۇشىن بىرنەشە ادام قىزىعۋشىلىق بىلدىرگەن، دەپ جازادى Lenta.ru.
2015 -جىلعى ستاتيستيكاعا سەنسەك، شۆەتسيا دىنسىزدەر سانى جاعىنان قىتايعا جول بەرىپ، الەم بويىنشا ەكىنشى ورىنعا تۇراقتاعان ەدى. Gallup International مەن WI Network of Market Research اگەنتتىكتەرى جۇرگىزگەن ساۋالناماعا قاتىسقانداردىڭ %76 ى اتەيست ەكەندەرىن ايتقان.
2016 -جىلدىڭ مامىرىندا ا ق ش- تىڭ مايامي ۋنيۆەرسيتەتىندە اتەيزمدى زەرتتەۋمەن اينالىساتىن ارنايى كافەدرا اشىلعانى حابارلاندى. وسى كافەدرانى اشۋعا ەكى ميلليون دوللاردان اسا قارجىنى 83 جاستاعى بيزنەسمەن لۋي اپپيدجيان اۋدارىپتى.
