ءمادينانىڭ كەشىندە رەسەيلىك ءانشى قازاقتىڭ حالىق ءانىن ورىندادى - كەسكىن
پانايوتوۆ قازاق حالقىنىڭ قۇشاق جايا قارسى العانىن ايتىپ، قازاق تىلىندە ءان ايتقان ساتتە ەرەكشە تەبىرەنىستە بولعانىن ايتتى.
«بۇگىن ومىرىمدە العاش رەت قازاق تىلىندە قازاقتىڭ حالىق ءانى «ياپۋرايدى» ورىندادىم. ءان اياقتالعاننان كەيىن باتىرحان شۇكەنوۆتىڭ اناسى گۇل ۇسىندى. جىلاپ جىبەرە جازدادىم. ال مىنا سۋرەتتە اتى اڭىزعا اينالعان روزا رىمبايەۆا مەن سۋپەر- جۇلدىز، وسى كەشتىڭ يەسى ءمادينا سادۋاقاسوۆامەن»، - دەپ جازدى رەسەيلىك ءانشى جەلىدەگى پاراقشاسىندا.
ۆيدەونى جەلىگە تانىمال ءانشى، مۋزىكانت ءالي وقاپوۆ جۇكتەدى.
ايتا كەتەيىك، الەكساندر پانايوتوۆ كوپتەگەن حالىقارالىق بايقاۋلاردىڭ جۇلدەگەرى. ەل اراسىندا ونىڭ «لەدي دوجديا» دەپ اتالاتىن ءانى كەڭىنەن تانىمال.
ەستەرىڭىزدە بولسا، كەشە ءانشى ءمادينا ءسادۋاقاسوۆانىڭ جەكە ءان كەشىنىڭ وتكەنىن حابارلاعان ەدىك. كەش بارىسىندا ءمادينا ءسادۋاقاسوۆا مەيرامبەك بەسپايەۆپەن دۋەت ايتىپ، كوپشىلىكتى ءتانتى ەتتى.
@panaiotov ) #Япырай @sadvakasovamadina
