بۇگىن بايقالاتىن وريونيدتەر مەتەورلىق جاۋىنىنىڭ ادامدارعا زيانى جوق - عالىم

استانا. قازاقپارات - بۇگىن بايقالاتىن وريونيدتەر مەتەورلىق جاۋىنىنىڭ ادامدارعا زيانى جوق. بۇل تۋرالى «قازاقپارات» تىلشىسىنە بەرگەن سۇحباتىندا ۇلتتىق عارىشتىق زەرتتەۋلەر مەن تەحنولوگيالار ورتالىعى «ۆ. گ. فەسەنكوۆ اتىنداعى استروفيزيكالىق ينستيتۋت» ج ش س اي جانە پلانەتالار فيزيكاسى زەرتحاناسىنىڭ مەڭگەرۋشىسى ۆيكتور تەيفەل ءمالىم ەتتى.

«دەنساۋلىققا بۇل مەتەورلاردىڭ اسەرى جوق، سوندىقتان بۇل تۇرعىدا زيان كەلەدى دەپ الاڭداپ كەرەك ەمەس. بۇل بولشەكتەر 100-150 شاقىرىم بيىكتىكتە جانىپ كەتەدى جانە ولاردىڭ جەرگە ەش اسەرى بولمايدى. تەك قانا وسى مەتەورلىق اعىمنان جەردىڭ سالماعى بىرتىندەپ وسەدى»، - دەيدى پروفەسسور.

 ونىڭ سوزىنە قاراعاندا، ەگەر دە جەر شاعىن بولشەكتەر شوعىرلانعان وربيتانىڭ ءتيىستى بولىگىن كەسىپ وتكەن كەزدە، بۇل قاتقىل بولشەكتەر ۇلكەن جىلدامدىقپەن جەر اتموسفەراسىنا كىرەدى جانە اۋانىڭ كەدەرگىسىنەن جوعارى بيىكتىكتە ىدىرايدى.

«وسى تۇرعىدا اسپاندا اققان جۇلدىزدار سەكىلدى جارىقتى بايقايمىز. مەتەورلار جاۋىنىن ءتۇننىڭ ورتا كەزىندە الەمنىڭ كەز كەلگەن نۇكتەسىندە اشىق كەڭىستىكتە كورۋگە بولادى. الايدا، جارىق شامدارى كوپ جەرلەردە مۇنداي قۇبىلىستى بايقاۋ قيىنداۋ»، - دەدى ۆيكتور تەيفەل.

وريونيدتەر - ول جىل سايىنعى مەتەورلىق جاۋىن، ياعني بۇل رەتتە اققان جۇلدىزدار ىسپەتتەس كورىنىستى بايقاۋعا بولادى. مەتەورلىق اعىم كەزىندە اسپاننان ءتۇرلى ءتۇستى جارىقتار انىق كورىنەدى. عالىمداردىڭ ايتۋىنشا، وريونيدتەر 17-26 - قازان ارالىعىندا بەلسەندى بولادى، ال ونىڭ كەڭ شوعىرى 21 - قازاندا بايقالادى. وسى كەزدە قۇلاعان مەتەورلاردىڭ سانى ساعاتىنا ورتاشا ەسەپپەن 20 عا دەيىن، ال كەيدە 30 مەتەورعا دەيىن جەتەدى. 
 اۆتور: رۋسلان عابباسوۆ