قازاقستاندا تاۋىق ساڭعىرىعىنان بيوگاز وندىرەتىن زاۋىت اشىلماق
بۇل تۋرالى بۇگىن استانادا ورتالىق كوممۋنيكاتسيالار قىزمەتىندە وتكەن باسپا ءسوز ءماسليحاتىندا سولتۇستىك قازاقستان وبلىسىنىڭ يندۋستريالدىق- يننوۆاتسيالىق دامۋ باسقارماسىنىڭ باسشىسى جانات ءسادۋاقاسوۆ ءمالىم ەتتى.
«بيوگاز قوندىرعىسىنا كەلەتىن بولساق، اۋىلداردىڭ بىرىندە «بيوتەك» ج ش س بيوگاز وندىرەتىن قوندىرعىنى سالۋدا. جەلتوقسان ايىندا پايدالانۋعا بەرىلەدى. ينۆەستيتسيا 1 ميلليارد تەڭگە سالىندى. تاۋىق كوڭىنەن گاز، ەلەكتر ەنەرگياسى شىعارىلادى، ول قوندىرعى جىلىنا شامامەن 600 ميلليون ك ۆ ت ەنەگريا مەن 9,6 مىڭ تەكشە مەتر گاز وندىرەدى»، - دەپ اتاپ ءوتتى ج. ءسادۋاقاسوۆ.
سونىمەن قاتار باسقارما باسشىسىنىڭ ايتۋىنشا، وبلىستا اۆياتسيالىق زاۋىت سالۋ كوزدەلگەن.
« قىزىلجارينۆەست-2016» فورۋمى شەڭبەرىندە ءبىز قازاقستاندىق اۆياتسيالىق زاۋىتى مەن بەريەۆ اتىنداعى تاگانروگ عىلىمي- تەحنيكالىق كەشەنىمەن كەلىسىمشارت جاسالدى. قازىرگى ۋاقىتتا ۇشاقتاردى قۇراستىرۋ بويىنشا تەحنيكالىق- ەكونوميكالىق نەگىزدەمەسى جاسالۋدا. قاراشا ايىندا رەسەيلىك تاراپتان ءبىزدىڭ وبلىسقا تەحنيكالىق ۇجىم كەلەدى، سول كەزدە ناقتى وسى سۇراقتى پىسىقتايتىن بولامىز»، - دەدى ول.
اۆتور: جاسۇلان جولدىبايەۆ
