الەمدەگى ەڭ بيىك عيماراتتىڭ قۇرىلىسى باستالدى

استانا. قازاقپارات - قازىردىڭ وزىندە ەڭ بيىك عيمارات دۋبايدا ورنالاسقان، ال 2020 -جىلى بۇل قالادا تاعى ءبىر الاپات قۇرىلىم بوي كوتەرمەك. ول قازىرگى الپاۋىتتان 100 مەترگە بيىك بولادى.

 بۇگىنگى كۇندە ەڭ بيىك عيمارات - 2010 -جىلى دۋبايدا اشىلعان 828 مەترلىك «بۋردج- حاليفا» . قۇرىلىم ىشىندە قوناقۇي، رەستوران، پاتەرلەر، مەكەمەلەر مەن ساۋدا ۇيلەرى شوعىرلانعان. الەمدەگى ەڭ بيىك كورۋ الاڭى ونىڭ 148- قاباتىندا 555 مەتر بيىكتىتە ورنالاسقان.

ءبىراق جاقىن بولاشاقتا «بۋردج- حاليفا» كوشباسشى قاتارىنان قالاتىن ءتۇرى بار، ويتكەنى، وسى قازان ايىندا دۋباي- كريك اۋماعىندا جاڭا عيمارات قۇرىلىسى باستالدى. 928 مەتر بولاتىن الپاۋىت بۇكىلالەمدىك ەكسپو-2020 كورمەسىنىڭ الدىندا اشىلادى دەپ جوسپارلانىپ وتىر.

قۇرىلىسقا جالپى سانى $1 ميلليارد قاراجات جۇمسالادى. جوبا اياسىندا بەلگىلى يسپان ارحيتەكتورى، ءمۇسىنشىسى، كوپتەگەن فۋتۋريستىك قۇرىلىستار اۆتورى سانتياگو كالاتراۆا جۇمىس ىستەيدى.

massaget.kz