اگەنتتىك مانساپقور مەملەكەتتىك قىزمەتكەرلەر جۇمىس ىستەيتىن مينيسترلىكتەردى اتادى

استانا. قازاقپارات - بيىل ەلىمىزدىڭ مەملەكەتتىك اپپاراتىندا مەريتوكراتيا قاعيدالارى، ياعني مەملەكەتتىك قىزمەتكەردى ونىڭ جەكە قابىلەتتەرىن باعالاۋ نەگىزىندە جوعارىلاتۋ شارالارى ءىس جۇزىندە قولعا الىنا باستادى. وسىنىڭ ارقاسىندا مانساپقور مەملەكەتتىك قىزمەتكەرلەردىڭ سانى ارتتى،

دەپ حابارلايدى قازاقپارات ءتىلشىسى.

«ەندى، مەملەكەتتىك قىزمەتكەرلەر تەك كونكۋرس ناتيجەسى بويىنشا عانا كوتەرىلە الادى. وعان قوسا، ۇمىتكەردىڭ تومەنگى ساتىدان باستاپ، جاڭا قىزمەتكە دەيىنگى ەڭبەك تاجىريبەسى بولۋى شارت. بۇرىن باستىقتار ءوزىنىڭ سەنىمدى ادامدارىن كونكۋرسسىز تاعايىنداسا، قازىر ونداي ارەكەتتەرگە جول بەرىلمەيدى. سەبەبى مانساپتىق ءوسۋ تەك تومەنگى قىزمەتتەن عانا باستالادى. بۇل - باستى تالاپ» - دەيدى مەملەكەتتىك قىزمەت ىستەرى جانە سىبايلاس جەمقورلىققا قارسى ءىس- قيمىل اگەنتتىگى ءتوراعاسىنىڭ ورىنباسارى ايگۇل شايموۆا.

ونىڭ مالىمەتىنە سايكەس، جىل باسىنان بەرى  3163 مەملەكەتتىك قىزمەتكەر تومەنگى ساتىدان جوعارى قىزمەتكە كوتەرىلدى. اتالعان كورسەتكىش وتكەن جىلمەن سالىستىرعاندا، ءۇش ەسەگە ارتىق بولىپ تۇر.

مانساپقور قىزمەتكەرلەردىڭ باسىم بولىگى ق ر ۇلتتىق ەكونوميكا مينيسترلىگىندە، ق ر دەنساۋلىق ساقتاۋ جانە الەۋمەتتىك دامۋ مينيسترلىگىندە، سونداي- اق سولتۇستىك قازاقستان مەن اقمولا وبلىستارىندا جۇمىس ىستەيدى.

«قازىردىڭ وزىندە مەملەكەتتىك ورگانداردا بوس تۇرعان ءبىر ۆاكانسيادان ۇمىتكەر ازاماتتاردىڭ سانى 5-كە دەيىن ارتتى. ماسەلەن، ينۆەستيتسيالار جانە دامۋ مينيسترلىگىندە ءبىر قىزمەتكە 6 ادام تالاسىپ وتىر. بۇل - وتە جاقسى كورسەتكىش»، - دەپ اتاپ كورسەتتى ا. شايموۆا.

اۆتور: رۋسلان عابباسوۆ