ءبىرقازاننىڭ باسىن تاسىمالداعان ازامات سوتتالدى

استانا. قازاقپارات - قازاقستان ازاماتى «مەرسەدەس» كولىگىمەن كەپتىرىلگەن قۇس باسىن تاسىمالداعانى ءۇشىن سوتتالدى. ول جۇكتى التاي ارقىلى موڭعولياعا ساتۋ ءۇشىن اپارا جاتقانىن مويىندادى، دەپ حابارلادى تايگا. ينفو.

 باتىس ءسىبىر كولىك پروكۋراتۋراسىنىڭ دەرەكتەرىنە سۇيەنسەك، ەر ادام 70 كەپتىرىلگەن ءبىرقازاننىڭ باسىن ساتىپ العان. تاۋاردى رەسەيگە اپارۋ ءۇشىن ول قۇس باستارى سالىنعان ءۇش سومكەنى ءوزىنىڭ تانىسىنىڭ كولىگىنە جاسىرعان. كونترابانداشى شەكارادان وتپەك بولعاندا ۇستالدى. تاۋار قۇنى 6,8 ميلليون رۋبلگە باعالاندى.

 الدىن الا تەرگەۋ بارىسىندا فيگۋرانت ايىبىن تولىقتاي مويىنداپ، وكىنىش ءبىلدىردى. ول قۇستىڭ باستارىن تاۋلى التاي ارقىلى موڭعولياعا الىپ وتپەك بولعانىن ايتتى.

سوت وعان ءبىر جارىم جىل سىناق مەرزىمىمەن شارتتى تۇردە ءۇش جىلعا باس بوستاندىعىنان ايىرۋ جازاسىن كەستى.