قانات يسلام: بايقا، قارا بالا
كەشە الماتىعا كەلگەن پاتريك اللوتەي بۇگىن جۋرناليستەر الدىندا: «مەن مۇندا ويناۋعا كەلگەنىم جوق، قاناتتى جەڭىپ، بەلدىگىن الىپ كەتۋگە كەلدىم»، - دەدى.
بۇعان قاتىستى باسپا ءسوز ءماسليحاتىندا ءسوز كەزەگىن العان قانات يسلام: «بايقا، قارا بالا!» دەپ ازىلدەدى.
«جالپى، اللوتەي - وتە مىقتى سپورتشى. بۇل جەكپە- جەكتىڭ جاۋاپكەرشىلىگى جوعارى. ەلىم نازار سالىپ وتىرعاندا بۇل ماعان ۇلكەن سىن بولعالى تۇر»، - دەدى قانات يسلام.
ەسكە سالا كەتەيىك، 29 - قازاندا الماتىدا «الماتى ارەنا» سپورت كەشەنىندە قانات يسلام مەن پاتريك اللوتەيدىڭ جەكپە- جەگى وتەدى. قانات يسلام ءوزىنىڭ «WBA fedelatin» چەمپيوندىق بەلبەۋىن قورعاپ، جارتىلاي ورتا سالماقتا «WBO intercontinental» تۇجىرىمىنىڭ چەمپيوندىق بەلبەۋى مەن «UBC» تۇجىرىمىنىڭ الەم چەمپيونى اتىعى ءۇشىن جۇدىرىقتاسادى.
قانات يسلامنىڭ قارسىلاسى پاتريك اللوتەي مەن كومانداسى 20 - قازان الماتىعا كەلگەن.
اۆتور: الماس مۇقاش ۇلى
