استانادا جىرشى- تەرمەشىلەر سىنعا تۇسەدى
ۇيىمداستىرۋشىلار - استانا قالاسىنىڭ اكىمدىگى، استانا قالاسىنىڭ تىلدەردى دامىتۋ باسقارماسى، «نۇر وتان» پارتياسىنىڭ استانا قالالىق فيليالى، «نۇر وتان» پارتياسى جانىنداعى «جاس وتان» جاستار قاناتىنىڭ استانا قالالىق فيليالى.
بايقاۋ ماقساتى - تاۋەلسىزدىك قۇندىلىقتارىن، تاريح جەتىستىكتەرىن ۇلىقتاۋ. قازاقستان حالقىنىڭ ءتىل مادەنيەتىن قالىپتاستىرۋ، جاستاردى شەشەندىك، جىرشى- تەرمەشىلىك ونەرگە باۋلۋ. ۇلتتىق رۋحانياتىمىزدىڭ ماڭىزدىلىعىن جاس ۇرپاقتىڭ ساناسىنا ءسىڭىرۋ ارقىلى ولاردى وتانسۇيگىشتىككە، پاتريوتتىققا باۋلۋ.
ءۇش كەزەڭنەن (ىرىكتەۋ، قورىتىندى، ماراپاتتاۋ) تۇراتىن بايقاۋعا 16-29 جاس ارالىعىنداعى ونەرپازدار قاتىسا الادى.
قاتىسۋ تۋرالى وتىنىشتەر مەن كورسەتىلگەن تاقىرىپتار بويىنشا ۇمىتكەردىڭ دايىنداعان ءبىر تەرمەسى (نەمەسە جىرى) 18- قازان - 10- قاراشا ارالىعىندا قابىلدانادى. ىرىكتەۋ كەزەڭىنەن ءوتىپ، قورىتىندى كەزەڭگە جولداما العانداردىڭ ەسىمى 14 - قاراشا كۇنى حابارلانادى. قورىتىندى كەزەڭ 18- قاراشادا وتەدى.
قاتىسۋشىلارعا باعدار رەتىندە ۇسىنىلىپ وتىرعان تاقىرىپتار:
- ىرگەسى بەرىك ەل - مىقتى (قازاقستان تاۋەلسىزدىگىنىڭ 25 جىلدىعىنا وراي)؛
- الاشتىڭ استاناسى (الاش، ازاتتىق، استانا تاقىرىپتارىنا وراي)؛
- باتىر بابا تاريحى (ۇلى دالا تاريحى، ەرلىگى تاقىرىبىنا وراي)؛
- وسسە ءتىلىم مەندە بىرگە وسەمىن... (تۋعان ءتىل تاقىرىبىنا وراي)؛
- ءتىل - ماڭگىلىك مۇرا (ماڭگىلىك ەلدىڭ ماڭگىلىك مۇراسى، ءتىلى تاقىرىبىنا وراي)؛
- بىرلىگى جاراسقان ەلدىڭ - تىرلىگى دە جاراسادى (بەيبىتشىلىك تاقىرىبىنا وراي)؛
ۇيىمداستىرۋشىلار تەرمە (نەمەسە جىر) ماتىنىندە تىلىمىزگە، دىنىمىزگە، دىلىمىزگە، سونداي- اق ەلىمىزدىڭ اتا زاڭىنا قايشى كەلەتىن، ۇلت ارازدىعىن تۋدىراتىن نەمەسە ازاماتتاردىڭ ار- نامىسىنا تيەتىن سوزدەر بولماۋى تيىستىگىن ەسكەرتەدى.
بايلانىس: 556728، 87753350414؛ ەلەكتروندىق پوشتا: e.ensebaev@uya.astana.kz
اۆتور: قانات مامەتقازى ۇلى
