قوستاناي وبلىسىندا اۋدان اكىمى مۇلكىن قيتۇرقىلىق جولمەن زاڭداستىرعان

قوستاناي. قازاقپارات - بۇگىن قوستاناي وبلىستىق سوتىنىڭ اپەللياتسيالىق القاسى قوستاناي وبلىسى جانگەلدين اۋدانىنىڭ اكىمى اسقاربەك كەنجەعاريننىڭ مالايا چۋراكوۆكا اۋىلىنداعى تۇرعىن ءۇيىن زاڭداستىرۋ جۇمىستارىن تالاپقا ساي ەمەس دەپ تانۋ تۋرالى قاۋلى شىعاردى.

سوت زەينەتكەر ومارحان مۇحيتبەكوۆتىڭ ءوز ءۇيىن كەنجەعاريننىڭ زاڭسىز يەلەنگەنى جانە ساتىپ جىبەرگەنى تۋرالى شاعىمىن قارادى جانە قاناعاتتاندىردى.

اپەللياتسيا القاسى قوستاناي وبلىسى التىنسارين اۋدانىندا وتكەن ءبىرىنشى دەڭگەيدەگى سوتتىڭ شەشىمىن جوققا شىعاردى. وندا زەينەتكەردىڭ تالابى قابىلدانباي، اكىمنىڭ مۇددەسى قورعالعان ەدى.