استانانى جاستار قالاسى دەۋگە بولا ما
«ستۋدەنتتەرگە كەلەر بولساق، كوللەدجدەردە وقيتىن جاستاردىڭ سانى - 26722، ال جوعارى وقۋ ورىندارىندا 52748 مىڭ ادام وقيدى»، - دەيدى باسقارما باسشىسىنىڭ مىندەتىن اتقارۋشى ەربول رىسپايەۆ.
ونىڭ سوزىنە قاراعاندا، ءبىلىم الىپ جۇرگەن جاستاردىڭ ىشىندە تەك 10989 ستۋدەنت قانا جاتاقحانادا تۇرادى. قازىرگى كەزدە بەس ۋنيۆەرسيتەت جانىنان جاڭا جاتاقحانالار سالىنىپ جاتىر. وندا ستۋدەنتتەر دە، وقىتۋشىلار دا ورنالاسپاق.
ايتا كەتەيىك، مامىر ايىنداعى ستاتيستيكالىق مالىمەتتەرگە سايكەس، استاناداعى حالىقتىڭ جالپى سانى 880 مىڭ 191 ادامدى قۇراعان. الايدا، شىلدەنىڭ 4- كۇنى قالا اكىمى اسەت يسەكەشيەۆ ميلليونىنشى تۇرعىن - قىز بالانىڭ دۇنيەگە كەلگەنىن مالىمدەپ، جاس وتباسىعا پاتەر كىلتىن تابىستاعان بولاتىن.
ارتىنان قالانىڭ ىشكى ساياسات باسقارماسى قالا تۇرعىندارىن ەسەپكە الۋدىڭ ادىستەمەسىن ءتۇسىندىرىپ بەردى. وعان سايكەس، سول كەزدە ەلوردانىڭ ەمحانالارىندا 927260 ادام تىركەۋدە تۇرعان. قوعامدىق كولىكپەن كۇن سايىن 850 ادام جۇرگەن ەدى. ال جىل باسىنان بەرى تاعى 61 مىڭ جۇمىسشى تىركەۋگە قويىلدى. وسىلايشا، شىلدەنىڭ 1- كۇنگى ەسەپ-قيساپ بويىنشا استانادا 999780 ادام بولعان. بۇگىندە اتالعان كورسەتكىش ميلليوننان اسىپ وتىر. سونىڭ تورتتەن ءبىرى- جاستار.
ارمان اسقاروۆ
