12:15, 20 - قازان 2016 | GMT +5
ب. مايلىبايەۆ «ورالمان» ءسوزىن «اعايىن» دەپ اۋىستىرۋعا كەڭەس بەردى
استانا. قازاقپارات - استانادا ءوتىپ جاتقان ساياساتتانۋشىلار مەن الەۋمەتتانۋشىلاردىڭ حالىقارالىق فورۋمىندا ق ر پرەزيدەنتى اكىمشىلىگى باسشىسىنىڭ ورىنباسارى باعلان مايلىبايەۆ «ورالمان» ءسوزىن «اعايىن» دەپ اۋىستىرۋعا كەڭەس بەردى.
بۇل تۋرالى Baq.kz ءتىلشىسى حابارلايدى.
«تاۋەلسىزدىك العان 25 جىلدىڭ ىشىندە سىرتتان قانشاما قانداسىمىز كەلدى. ول باۋىرلارىمىزدى ورالمان دەپ ايتىپ ءجۇرمىز. مەنىڭشە، ورالمان دەگەننەن گورى اعايىن دەپ ايتقانىمىز دۇرىس بولادى. سوندىقتان، وسىنداي ۇسىنىس جاساعىم كەلىپ تۇر» ، - دەدى باعلان مايلىبايەۆ.
ايتا كەتەيىك، فورۋم جۇمىسىنا قازاقستاننىڭ بەلگىلى ساياساتتانۋشىلارى مەن الەۋمەتتانۋشىلارى، گەرمانيا، يتاليا، قىتاي، رەسەيدەن كەلگەن عالىمدار مەن ساراپشىلار قاتىسۋدا.
