عالىمدار: ەڭ ەڭبەكقور ادامدار ا ق ش- تا تۇرادى

استانا. قازاقپارات - حالىقارالىق عالىمدار توبى قاي ەلدىڭ تۇرعىندارى ەڭ ەڭبەكقور ەكەنىن انىقتادى. زەرتتەۋ بارىسىندا ا ق ش پەن ەۋروپا تۇرعىندارى باعالاندى.

باستاپقىدا ماماندار امەريكالىقتار مەن ەۋروپالىقتاردىڭ جۇمىس ورنىندا قانشا ۋاقىتىن وتكىزەتىنىن ەسەپتەدى. ناتيجەسىندە ەۋروپانىڭ ورتا ەسەپپەن تۇرعىنى امەريكالىقتارعا قاراعاندا 19 پايىزعا از جۇمىس ىستەيتىنى انىقتالدى. بۇل كورسەتكىش 260 ساعاتقا از نەمەسە كۇن سايىن ءبىر ساعاتقا كەم.

جۇمىستا وتكىزەتىن ۋاقىت مولشەرى بويىنشا امەريكالىقتارعا شۆەيتساريالىقتار جاقىن. ال يتاليا حالقى، كەرىسىنشە، ا ق ش تۇرعىندارىنا قاراعاندا 19 پايىزعا از جۇمىس ىستەيدى.

 سالىستىرمالى تۇردە: رەسەي تۇرعىندارى ەۋروپالىق ەلدەرگە قاراعاندا، جۇمىس ورنىندا كوپ ۋاقىت وتكىزەدى، الايدا امەريكالىقتاردان ءسال (جىلىنا 1761 ساعاتقا) كەم.

كەي ساراپشىلاردىڭ ايتۋىنشا، امەريكالىقتار كوپ ەڭبەك ەتەدى، ولار قىزمەتىندە كوتەرىلۋدى ماقسات ەتەدى ءارى ولاردا سالىق ەۋروپاعا قاراعاندا تومەن، دەپ حابارلادى Informing.