بۇركىتشى قىز تۋرالى فيلم شەتەلدىك جۇلدىزدى تاڭعالدىردى
24 جاسار ريدلي دوكۋمەنتالدى فيلمنىڭ اتقارۋشى پروديۋسەرى بولىپ قانا قويماي، ايشولپان نۇرعايىپ تۋرالى وسى ءبىر قىزىقتى وقيعانىڭ كادردان تىس داۋىسىن دا سالدى.
اتالمىش فيلمنىڭ رەجيسسەرى ۇلى بريتانيالىق وتتو بەلل Business Insider پورتالىنا سۇحبات بەرىپ، ريدليدىڭ ايشولپاننىڭ باسىنان وتكەن وقيعالارىنا ەرەكشە تولقىعاندىعىن ايتقان. ول جاس كونواكتريسانىڭ تۋىندىنى تاماشالاۋ كەزىندە كوزىن جاس العاندىعىن دا ايتادى.
ال، ريدليدىڭ ءوزى بۇركىتشى قىز تۋرالى دوكۋمەنتالدى فيلمدى كورىپ، وعان ءتانتى بولعانى سونشالىق، وسى كەرەمەت تۋىندىنىڭ ءبىر بولشەگىنە اينالۋعا بىردەن كەلىسىمىن بەرگەندىگىن جەتكىزدى.
«مەنىڭشە، كورەرمەندەر سونىڭ ىشىندە اسىرەسە قىز بالالار بۇل وقيعانى لايىقتى باعالايدى جانە ودان قايتالانباس اسەر الادى دەگەن ويدامىن. مەن وسى وقيعانى الەمگە تاراتا الاتىنىما قۋانىشتىمىن»، - دەگەن ويىمەن ءبولىستى گولليۆۋدتىڭ بولاشاق جۇلدىزدارىنىڭ ءبىرى Deadline.com. پورتالىنا بەرگەن سۇحباتىندا.
ال، ايشولپان مەن ونىڭ اكەسى نۇرعايىپ رىس ريدليدى كورىپ، گولليۆۋدتاعى تانىستىرىلىم كەزىندە وتتو بەللۋعا جولىعۋ ءۇشىن سوناۋ، موڭعوليادان ات ارىلتىپ كەلگەن.
ايتا كەتەتىن ماسەلە - بۇركىتشى قىز تۋرالى فيلم نيۋ- يورك پەن لوس- انجەلەس كينوتەاترلارىندا 28 - قازاننان كورسەتىلە باستايدى.
