اليك شپەكبايەۆ: سىبايلاس جەمقورلىققا توسقاۋىل قويۋ - باستى ماقسات
مۇنداعى باستى ماقسات - جەمقورلىق دەڭگەيىن بارىنشا تومەندەتۋ. بۇل تۋرالى ورالدا سىبايلاس جەمقورلىقپەن كۇرەس ماسەلەلەرىنە ارنالعان كەڭەستە ق ر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس- قيمىل اگەنتتىگى ءتوراعاسىنىڭ ورىنباسارى اليك شپەكبايەۆ ءمالىم ەتتى.
ونىڭ ايتۋىنشا، سىبايلاس جەمقورلىقتان بارلىق ەلدەر دە كەندە ەمەس. جەمقورلىق الەۋمەتتىك كەسەل رەتىندە ەڭ الدىمەن مەملەكەتتىڭ ىرگەسىن شايقالتىپ، ادامگەرشىلىك قۇندىلىقتارعا كەسەل كەلتىرەدى. ادامداردىڭ مەملەكەتتىك باسقارۋ ورگاندارىنا، زاڭعا دەگەن سەنىمىنە سەلكەۋ ءتۇسىرىپ، ەلدىڭ ينۆەستيتسيالىق تارتىمدىلىعىن تومەندەتەدى. قازاقستان سىبايلاس جەمقورلىق جونىنەن 17 ساتىعا كوتەرىلگەنىمەن، 123-ورىندا تۇر. بۇل، الەمدىك تاۋەلسىز ساراپشىلاردىڭ باعالاۋىنشا، جەمقورلىق دەڭگەيى ءالى دە جوعارى دەگەن ءسوز.
سوندىقتان اتالعان ستراتەگياعا سايكەس جەمقورلىققا قارسى كوپ بولىپ كۇرەسىپ، جەرگىلىكتى جانە ورتالىق مەملەكەتتىك ورگانداردىڭ ءىس- قيمىلىنىڭ اشىقتىعىن قامتاماسىز ەتۋدىڭ ماڭىزى زور. زاڭ بويىنشا پارا الۋشىمەن قاتار بەرۋشى دە جاۋاپقا تارتىلادى. ازامات بوپسالاۋ دەرەكتەرى تۋرالى حابارلاسا، ارينە، ءسوز باسقا. قازىرگى تاڭدا مەملەكەتتىك قىزمەتكە ءۇش دەڭگەيلى ىرىكتەۋ جۇرگىزۋ ناتيجەسىندە مەملەكەتتىك قىزمەتشىلەردىڭ اۋىسۋى مەن كوماندالىق اۋىس- ءتۇيىس 27 ەسە قىسقاردى. قىلمىسقا بارعانداردى ەشكىم قورعاپ قالا المايدى. ەلدەگى ءىرى شەنەۋنىكتەردىڭ قىلمىستىق جاۋاپكەرشىلىككە تارتىلۋى - قورقىتىپ- ۇركىتۋ ەمەس، سىبايلاس جەمقورلىقتى جويۋداعى جۇيەلى جۇمىستىڭ جەمىسى.
قولدانىستاعى زاڭناماعا سايكەس سىبايلاس جەمقورلىق جاساعانداردىڭ بارلىعى ءومىر بويىنا مەملەكەتتىك قىزمەت اتقارۋ قۇقىعىنان ايىرىلادى، ياعني ءوزىن دە، تۋما- تۋىسقاندارىن دا ومىرلىك وكىنىشتە قالدىرادى. جەمقورلىق دەڭگەيى قازاقستاندا ماڭعىستاۋدا جوعارى بولسا، ەڭ تومەنگىسى سولتۇستىك قازاقستاندا. باتىس قازاقستان وبلىسى ورتا دەڭگەيدە (8 پايىز). بيىل جىل باسىنان بەرى وڭىردە سىبايلاس جەمقورلىققا قاتىستى 108 قۇقىق بۇزۋشىلىق جاسالسا، سونىڭ 38- ءى جەرگىلىكتى اتقارۋشى ورگاندار ۇلەسىنە تيەدى. ەگەر 2015 -جىلى سىبايلاس جەمقورلىق كورىنىستەرى ءبىلىم بەرۋ، قۇرىلىس، تۇرعىن ءۇي- كوممۋنالدىق شارۋاشىلىق جانە اۋىل شارۋاشىلىعى سالالارىندا كوبىرەك بايقالسا، بيىل دەنساۋلىق، مادەنيەت پەن سپورت، قۇرىلىس جانە تۇرعىن ءۇي- كوممۋنالدىق شارۋاشىلىق سالاسى العا شىققان. وسىعان قاراپ- اق وي تۇيۋگە بولادى. ەڭ باستىسى، ءار مەملەكەتتىك قىزمەتشى ادەپ كودەكسىنە سايكەس ءار قادامىنا ەسەپ بەرە وتىرىپ، ادال قىزمەت جاساۋى ءتيىس.
جيىنعا قاتىسقان وبلىس اكىمى التاي كولگىنوۆ وڭىردە سىبايلاس جەمقورلىققا قارسى جۇرگىزىلىپ جاتقان جۇمىستارعا توقتالىپ، ۇلت جوسپارىندا كورسەتىلىپ، زاڭداردا كورىنىس تاپقان بارلىق تەتىكتەردىڭ قولدانىلۋى ۇنەمى نازاردا بولاتىنىن اتاپ كورسەتتى.
اۆتور: ەلجان ەرالى
