قىزىلوردادا شەتەلدىك ساراپشى شۇبات جايلى ءدارىس وقىدى

قىزىلوردا. قازاقپارات - «اگرو بىلىكتىلىك ورتالىعى» ج ش س تۇيە شارۋاشىلىعى جونىندەگى ءۇش كۇندىك سەمينارىندا وتاندىق جانە شەتەلدىك ساراپشىلار تەوريالىق- تاجىريبەلىك ساباقتار وتكىزدى،

 - دەپ حابارلايدى قازاقپارات قىزىلوردا وبلىسى كاسىپكەرلەر پالاتاسىنا سىلتەمە جاساپ.

شارا بارىسىندا ب ۇ ۇ جانىنان قۇرىلعان اۋىل شارۋاشىلىعى كاسىپورىندارىنىڭ تۇيە شارۋاشىلىعى جونىندەگى حالىقارالىق دەڭگەيدەگى ساراپشىسى بەرنارد فايە، ءال- فارابي اتىنداعى قازۇۋ بيوتەحنولوگيا كافەدراسىنىڭ وقىتۋشىسى، phD دوكتورى، پروفەسسور گاۋحار قونىسبايەۆا جانە قازاق ۇلتتىق ارگارلىق ۋنيۆەرسيتەتىنىڭ بيوتەحنولوگيا جانە تاعام قاۋىپسىزدىگى كافەدراسىنىڭ مەڭگەرۋشىسى ءاسيا سەرىكبايەۆا سىندى ماماندار ءدارىس وقىدى.

سەميناردا ماماندار تۇيە شارۋاشىلىعىمەن جانە تۇيە ءسۇتىن قايتا وڭدەۋمەن اينالىساتىن فەرمەرلەر مەن كاسىپورىنداردى تۇيە ءسۇتىن قايتا وڭدەۋ تەحنولوگياسىمەن تانىستىرىپ، كەڭەستەر بەردى.

سەمينار قورىتىندىسى بويىنشا قاتىسۋشىلارعا سەرتيفيكاتتار تابىستالدى.

«وبلىستا وسىمدىك شارۋاشىلىعى بويىنشا 24 سەمينار، مال شارۋاشىلىعى بويىنشا 9 سەمينار وتكىزۋ جوسپارلانعان. ستاتيستيكا دەپارتامەنتىنىڭ مالىمەتى بويىنشا، وبلىستا 40 مىڭداي تۇيە بار ەكەن. سەميناردى وسى باعىت بويىنشا قىزىعۋشىلىق تانىتۋشى تۇلعالارعا اقپارات بەرۋ، سونداي- اق جاڭا عىلىمي بىلىمدەردى جەتىلدىرۋ، وندىرىستە جاڭا تەحنولوگيالاردى پايدالانۋ ماقساتىندا «اتامەكەن» ۇ ك پ وتكىزۋدە.

 سونداي- اق «اگروبىلىكتىلىك ورتالىعى» ج ش س جانىنان قۇرىلعان www.fermers.kz سايتى مەن 88000808010 تەلەفون ءنومىرى جۇمىس ىستەپ تۇر. وندا اۋىل شارۋاشىلىعى تاۋارلارىن وندىرۋشىلەر بارلىق مازالاپ جۇرگەن سۇراقتارىنا جاۋاپ الا الادى»، - دەدى كاسىپكەرلەر پالاتاسى جوبالاردى سۇيەمەلدەۋ ءبولىمىنىڭ ساراپشىسى الما ءپىرمانوۆا.

اۆتور: ەلۋباي اۋەزوۆ