بايان ماقسات قىزى ەسەنتايەۆتى نەگە كەشىرگەندىگىن ايتتى
«مەن ونى كەشىردىم، بۇل مەنىڭ شەشىمىم. مەن ول ساتتەردەن ءوتىپ كەتتىم جانە مەنىڭ ءومىرىم جالعاسۋدا. مەنىڭ بالالارىمنىڭ اكەسى بار، مەن بولسام ءوز باقىتىمدى ىزدەيمىن...» دەپ جازدى ول ءوزىنىڭ Instagram. پاراقشاسىندا.
ايتا كەتەيىك، مۇنداي شەشىمدى بۇگىن سوتتا باياننىڭ ادۆوكاتى مارات اسقاربەكوۆ جاريا ەتتى.
«بايان كۇيەۋىن كەشىردى. مەنىڭشە، بۇل دۇرىس شەشىم. مۇنداي قادامعا كەز كەلگەن ايەل ادام بارا المايدى. ارينە، بايانعا بۇنىڭ بارلىعى وڭاي بولماعاندىعىن تۇسىنەمىز، ول ءبىرىنشى كەزەكتە ءوزىنىڭ بالالارىن ويلادى»، - دەدى ول تالدىقورعان قالاسىندا جابىق رەجيمدە وتكەن سوت وتىرىسىنىڭ قورىتىندىسىن ءسوز ەتە كەلە.
بۇگىن بايان ماقسات قىزى سوتقا كەلگەن جوق. سوت وتىرىسى ەرتەڭ، 20-قازان كۇنى دە جالعاسادى. كەشە سوتتا باياندى ونىڭ قىزى ايساۋلە مەن باۋىرى باعىم مۇحيتدەنوۆا قولدادى.
