ا ق ش تۇرعىنى مەديتسينا ورتالىعىندا قولدان جاسالعان بومبانى جارىپ جىبەردى

استانا. قازاقپارات - ەر ازامات ا ق ش- تىڭ كاليفورنيا شتاتىنداعى وكلەند قالاسىنداعى مەديتسينالىق ورتالىقتا قولدان جاسالعان بومبانى جارىپ جىبەردى.

بۇل تۋرالى قازاقپارات newsru.com سايتىنا سىلتەمە جاساپ حابارلايدى.

وقيعا 18- قازان كۇنى كەشكىسىن بولدى.

كۋاگەرلەر قولىندا بومباعا ۇقساس زاتتى ۇستاپ العان ەر ادامنىڭ مۇگەدەكتەرگە ارنالعان ارباعا ءمىنىپ، San Antonio Neighborhood Health Center كلينيكاسىنا كىرگەندىگىن ايتادى. سودان سوڭ قولىنداعى زاتتى جارىپ جىبەرىپ، ءوزى دە مەرت بولعان.

وسى وقيعانىڭ سالدارىنان باسقا ەشكىم زارداپ شەككەن جوق. قازىرگى تاڭدا تەرگەۋ جۇمىستارى ءجۇرىپ جاتىر. پوليتسيا وكىلدەرى وسى ايماقتاعى جارىلعىش زات بولۋى مۇمكىن دەگەن ورىنداردى ارالاپ شىعىپ، ەشتەڭە تاپپادى.

قۇقىق قورعاۋ قىزمەتكەرلەرى ەر ازاماتتىڭ ارەكەتىن الدىن الا بولجام بويىنشا وزىنە ءوزى قول سالدى دەپ باعالاپ وتىر. ازىرگە ونىڭ كىم ەكەندىگى انىقتالماعان.