ناينتي ۋان توبىنىڭ قاراعاندى مەن جەزقازعانداعى كونسەرتتەرى وتپەيتىن بولدى
قاراعاندىداعى كونسەرت 18 -قازان كۇنى سيرك عيماراتىندا ءوتۋى ءتيىس بولعان. توپ جانكۇيەرلەرى بەلگىلەنگەن ۋاقىتتا جينالدى، الايدا ولاردى كاسساعا بيلەتتەرىن وتكىزىپ، اقشالارىن قايتارىپ الۋعا جىبەردى.
رەسمي تاراتىلعان اقپاراتتىڭ نۇسقاسىنا سايكەس، كونسەرتتىڭ بولماۋ سەبەبى - ۇيىمداستىرۋشىلار قۇجاتتى دۇرىس رەسىمدەمەگەن. مەملەكەتتىك مۇلىك دەپارتامەنتىمەن كەلىسىمشارت جاسالماعان. ءوز كەزەگىندە ۇيىمداستىرۋشىلار تەحنيكالىق سەبەپتەردى دە جەلەۋ ەتكەن.
بۇل رەتتە، ينتەرنەتتە قاراعاندى اكىمى نۇرلان اۋباكىروۆتىڭ اتىنا جازىلعان حات تارالعانى بەلگىلى. ءوتىنىش اۆتورلارى وكتابر اۋدانى جاستارىنىڭ اتىنان جۇگىنگەن. قازاق تىلىندە جازىلعان حاتتا اتالمىش توپ جاستارعا تەرىس تاربيە بەرەتىندىگى ايتىلادى. ولاردىڭ پىكىرىنشە، Ninety one مۇشەلەرى قازاق حالقىنىڭ داستۇرىنە، دىلىنە قارسى ارەكەتتەردى ناسيحاتتاۋدا.
جەزقازعاندا 19 -قازانعا بەلگىلەنگەن كونتسەرت تە وتپەيتىن بولدى. قالا اكىمىنىڭ باسپا ءسوز قىزمەتىنەن ءمالىم ەتكەندەي، مادەنيەت بولىمىنە ۇجىمدىق ءوتىنىش كەلىپ تۇسكەن.
«كونسەرت 19 -قازاندا دوستىق ۇيىندە ءوتۋى ءتيىس بولاتىن. مادەنيەت بولىمىنە كونسەرتتى وتكىزبەۋ تالابىمەن ءوتىنىش تۇسكەن. وعان 300 ادام قول قويعان»، - دەپ اتاپ ءوتتى قالا اكىمىنىڭ باسپا ءسوز قىزمەتىنەن.
دوستىق ءۇيىنىڭ اكىمشىلىگى كونسەرتتىك زالدى جالعا بەرۋدەن باس تارتتى.
ەسكە سالايىق، 30 -قىركۇيەكتە توپتىڭ اقتوبەدەگى كونسەرتى وتپەي قالعان بولاتىن.
