ساياسي قۋعىن كورگەن جاپون ازاماتىنىڭ قازاق جەرىندەگى تاعدىرى تۋرالى سپەكتاكل كورسەتىلەدى
جاڭا قويىلىم قازاقستان رەسپۋبليكاسى تاۋەلسىزدىگىنىڭ 25 جىلدىعىنا ارنالىپ وتىر، دەپ حابارلايدى قازاقپارات تەاتردىڭ باسپا ءسوز قىزمەتىنە سىلتەمە جاساپ.
«قارلاگتى» زەرتتەۋشى، زاڭ عىلىمدارىنىڭ دوكتورى، پروفەسسور، قازاقستان رەسپۋبليكاسى پارلامەنتى ءماجىلىسىنىڭ دەپۋتاتى نۇرلان دۋلاتبەكوۆتىڭ يدەياسى بويىنشا دراماتۋرگ اۆتورى ءمادينا وماروۆا جازىپ، قازاقستاننىڭ ەڭبەك سىڭىرگەن قايراتكەرى، رەجيسسەر اسحات ماەميروۆ ساحنالاعان بۇل قويىلىم، تەاتر ۇجىمىنىڭ قازاقستان تاۋەلسىزدىگىنىڭ 25 جىلدىعىنا ارناعان ۇلكەن جوباسى»، دەلىنگەن حابارلامادا.
قازاقستاننىڭ تەاتر كەڭىستىگىندە تۇڭعىش رەت كوزى ءتىرى ساياسي قۋعىن-سۇرگىن قۇربانىنىڭ تاعدىرى دەرەكتى دراماعا ارقاۋ بولىپ، ساحنادان العاش رەت كورسەتىلەدى. قويىلىم پرەمەراسى 22-23 -قازاندا بولادى.
احيكو تەتسۋرو بەينەسى - بارلىق قازاقستاندىقتاردى ەلدىك پەن بىرلىككە، كەلىسىم مەن ىنتىماققا ۇندەيدى.
باستى ءرولدى قازاقستاننىڭ ەڭبەك سىڭىرگەن قايراتكەرى دۋلىعا اقمولدا سومدايدى.
اۆتور: الماس مۇقاش ۇلى
