استانادا راقىمجان قوشقاربايەۆقا ارنالعان ەسكەرتكىش ورناتىلدى
11 مەترلىك مونۋمەنت ب. مومىش ۇلى مەن ر. قوشقاربايەۆ داڭعىلدارىنىڭ قيىلىسىندا ورنالاسقان، دەپ حابارلادى استانا قالاسىنىڭ مادەنيەت، مۇراعاتتار جانە قۇجاتتاما باسقارماسىنان.
جوباعا سايكەس، مۇسىندىك كومپوزيتسيانىڭ بيىكتىگى - 6 مەتر، ال گرانيت تۇعىردىڭ بيىكتىگى - 4,5 مەتر. ەسكەرتكىشتىڭ اۆتورى - «قازاق ەلى» مونۋمەنتىن جاساۋعا قاتىسقان بەلگىلى ءمۇسىنشى اسقار نارتوۆ. سالتاناتتى شارا بارىسىندا استانا قالاسى اكىمىنىڭ ورىنباسارى ەرمەك امانشايەۆ قالا تۇرعىندارىن ەسكەرتكىشتىڭ اشىلۋىمەن قۇتتىقتادى.
«بۇگىن قازاق جاۋىنگەرى راقىمجان قوشقاربايەۆتىڭ ەرلىگىن ماڭگىلىك ەتۋ ءۇشىن وسى مونۋمەنتتى اشىپ وتىرمىز. ونىڭ ەسىمى وسكەلەڭ ۇرپاقتىڭ جادىندا ەرلىكتىڭ سيمۆولى رەتىندە ساقتالۋى كەرەك، سول سەبەپتى قازاقستان تاۋەلسىزدىگىنىڭ 25 جىلدىعى قارساڭىندا ەلوردادا اتى اڭىزعا اينالعان ناعىز جاۋىنگەرىمىزگە ارناپ ەسكەرتكىش ورناتىلدى»، - دەدى ەرمەك امانشايەۆ.
سالتاناتتى شاراعا راقىمجان قوشقاربايەۆتىڭ قىزى - ءاليا، اتى اڭىزعا اينالعان كەڭەس جاۋىنگەرىنىڭ نەمەرەلەرى، سونداي- اق، لەيتەنانت قوشقاربايەۆ تۋرالى كىتاپتىڭ اۆتورى قاسىم اپپاس ۇلى قاتىستى. سونىمەن قاتار، ەسكەرتكىشتىڭ اشىلۋىنا قاتىسقان جۇزدەگەن ادام ۇلى قازاق جاۋىنگەرىنىڭ مۇسىنىنە گۇل شوقتارىن قويدى.
مونۋمەنتتى ورناتۋعا ەلوردا اكىمدىگى باستاماشى بولدى، ەسكەرتكىشتى دايىنداعان جانە ورناتقان «BI-Group»
راقىمجان قوشقاربايەۆقا ارنالعان ەسكەرتكىشتىڭ اشىلۋى ماڭىزدى وقيعا، ويتكەنى ول قازاق جاۋىنگەرىنىڭ ەكىنشى ۇلى وتان سوعىسىندا جاساعان ولشەۋسىز ەرلىگى تۋرالى تاعى دا ءبىر ەسكە سالادى. كوپ جىلدار بويى كەڭەستىك تاريحشىلار ونىڭ ەرلىگىن مويىنداماي كەلگەنىن ايتا كەتۋ كەرەك. 2007 -جىلى عانا رەسەيلىكتەر ەكىنشى دۇنيەجۇزىلىك سوعىستا بەرليندە رەيحستاگتى باسىپ الۋ كەزىندە راقىمجان قوشقاربايەۆ پەن گريگوري بۋلاتوۆتىڭ ءبىرىنشى بولىپ تۋ تىككەندەرىن رەسمي تۇردە ءمالىم ەتتى. وسى ەرلىكتى جاساعان كەزدە قوشقاربايەۆ نەبارى 21 جاستا بولعان. باتىرلىعىنا قاراماستان كەڭەس اسكەرى قازاق جاۋىنگەرىن ەشقانداي ماراپاتقا ۇسىنعان جوق. الايدا 2001 -جىلى قازاقستان رەسپۋبليكاسى پرەزيدەنتىنىڭ جارلىعىمەن راقىمجان قوشقاربايەۆقا قايتىس بولعاننان كەيىن «حالىق قاھارمانى» اتاعى بەرىلدى.
