ورالدا اقىن- دراماتۋرگ يران- عايىپتىڭ رەسپۋبليكالىق تەاترلار فەستيۆالى وتەدى

ورال. قازاقپارات - ەل تاۋەلسىزدىگىنىڭ 25 جىلدىعىنا وراي باتىس قازاقستان وبلىستىق قازاق دراما تەاترىندا 22-27 - قازان ارالىعىندا بەلگىلى اقىن- دراماتۋرگ، مەملەكەتتىك سىيلىقتىڭ لاۋرەاتى، حالىقارالىق «الاش» جانە تاۋەلسىز «تارلان» سىيلىقتارىنىڭ يەگەرى يران- عايىپتىڭ (يرانبەك ورازبايەۆ) «ماڭگىلىك ەلدىڭ التىن ادامى» اتتى رەسپۋبليكالىق تەاترلار فەستيۆالى وتەدى.

فەستيۆال شىمىلدىعى، سونىمەن قاتار باتىس قازاقستاندىق تەاتردىڭ 24 - ماۋسىمى يران- عايىپتىڭ «ءان- مۇحيت» درامالىق داستانىمەن اشىلادى. حالىق كومپوزيتورى، اقىن ءارى ءانشى مۇحيت مەرالى ۇلىنىڭ 175 جىلدىعىنا ارنالعان سپەكتاكلدى ق ر ەڭبەك سىڭىرگەن ءارتىسى، «قۇرمەت» وردەنىنىڭ يەگەرى مۇرات احمانوۆ پەن تەاتردىڭ باس رەجيسسەرى مۇقانعالي تومانوۆ ساحنالادى. مۇحيت رولىندە تەاتردىڭ بەلدى ارتىستەرىنىڭ ءبىرى ءارى ءانشى، مادەنيەت سالاسىنىڭ ۇزدىگى مۇساعالي بەكتەنوۆ وينايدى.

رەسپۋبليكالىق تەاترلار فەستيۆالىنە باتىس قازاقستاندىق ۇجىمنان باسقا ءۇش تەاتر قاتىسادى. اتاپ ايتقاندا، ع. مۇسىرەپوۆ اتىنداعى قازاق مەملەكەتتىك اكادەميالىق بالالار جانە جاسوسپىرىمدەر تەاترى ورالدىقتاردىڭ نازارىنا يران- عايىپتىڭ «اجداھانىڭ الەگى» ەرتەگىسىن (قويۋشى- رەجيسسەرى - ق ر ەڭبەك سىڭىرگەن ءارتىسى، «قۇرمەت» وردەنىنىڭ يەگەرى ساعىزباي قارابالين)، «فاتيما» تراگەدياسى مەن «ەستايدىڭ قورلانى» ماحابباتناماسىن (ەكى سپەكتاكلدىڭ دە رەجيسسەرى م. احمانوۆ) ۇسىنباقشى. سول سەكىلدى شىعىس قازاقستان وبلىسى سەمەيدىڭ اباي اتىنداعى مەملەكەتتىك قازاق مۋزىكالىق دراما تەاترى يران- عايىپتىڭ «اداسقان ب ا ق قۇسى» شەر- شەمەنىن (رەجيسسەرى ەرسايىن تولەۋباي)، وڭتۇستىك قازاقستان وبلىستىق ورىس دراما تەاترى «ابىلاي حان» دراماسىن (رەجيسسەرى - ق ر حالىق ءارتىسى ءارى ەڭبەك سىڭىرگەن قايراتكەرى، پروفەسسور ەرعالي ورازىمبەتوۆ) قويادى. سونداي- اق باتىس قازاقستان وبلىستىق قازاق دراما تەاترى «ءان- مۇحيتقا» قوسا يران- عايىپتىڭ «ماحامبەت» تراگەدياسى مەن «ماڭگىلىك ەلدىڭ التىن ادامى» درامالىق داستانىن (م. احمانوۆ)، «قورقىت» تراگەدياسىن (رەجيسسەرى - ش. ايتماتوۆ اتىنداعى سىيلىقتىڭ لاۋرەاتى قۋاندىق قاسىموۆ)، «مەن ىشپەگەن ۋ بار ما؟» رەكۆيەمىن (م. تومانوۆ) ساحناعا شىعارماق.

«جەكە اۆتوردىڭ تۋىندىلارىنا ارنالعان ونەر دوداسى ب ق و اكىمدىگى مەن وبلىستىق مادەنيەت، مۇراعاتتار جانە قۇجاتتاما باسقارماسىنىڭ قولداۋىمەن باتىس قازاقستاندا العاش رەت ۇيىمداستىرىلىپ وتىر. فەستيۆالگە ماكەدونيادان، ماسكەۋ مەن ەلىمىزدىڭ قالالارىنان تەاتر ماماندارى، اقىندار، دراماتۋرگتەر كەلەدى. ولار فەستيۆال بارىسىندا تەاتر ونەرىن دامىتۋ باعىتىندا تاجىريبە الماسىپ، ءوز وي- پىكىرلەرىمەن بولىسەتىن بولادى»، دەدى تەاتر ديرەكتورى قۋانىش اماندىقوۆ.