شەتەلدىك عالىم قوجا احمەت ياساۋي تۋرالى بەينەتۇسىرىلىم جاساماق
قورىق- مۋزەي ديرەكتورى ج. اۋباكىر الداعى ۋاقىتتا دا بىرلەسە جۇمىستار اتقاراتىندىقتارىن تىلگە تيەك ەتتى. سونىمەن قاتار دج. تراپمان جۋىردا قازاقستانعا قايتا كەلىپ قوجا احمەت ياساۋي تۋرالى بەينە ءتۇسىرىلىم جاسايتىندىعىن مالىمدەدى، دەپ حابارلايدى تۇركىستان قالاسى اكىمدىگىنىڭ باسپا ءسوز قىزمەتىنەن.
مۋزەي اكىمشىلىگى اۋدارماشى عالىمعا شىعارماشىلىق تابىس تىلەپ، قازاقى دارحان كوڭىلمەن سىي- سياپات جاسادى.
ايتا كەتەيىك، مۋزەيدەن تاريحي، رۋحاني قالانىڭ وتكەنى, كەشەگىسى تۋرالى تولىق ماعلۇمات الۋعا بولادى. مۋزەي ەكسپوزيتسياسى ۇلكەن- ۇلكەن سەگىز بولىمنەن تۇرادى. مۋزەي قىزمەتكەرلەرىنىڭ ماقساتى كونە قالانى «مۋزەيلەر قالاسى، رۋحاني ورتالىق» رەتىندە تۇرلەنتە بەرۋ. قازاقستان رەسپۋبليكاسىنىڭ پرەزيدەنتى نۇرسۇلتان نازاربايەۆ تۇركىستان قالاسىنا ات باسىن تىرەگەن كەزىندە: «قازاقستاننىڭ رۋحاني ورتالىعى تۇركىستان»، - دەگەن بولاتىن. سوندىقتان «ازىرەت سۇلتان» قورىق مۋزەيىنىڭ حالقىمىزدىڭ رۋحاني ءوسىپ وركەندەۋىندە الاتىن ورنى ەرەكشە. ارينە، الەمدىك دەڭگەيدە عىلىمي زەرتتەۋلەر مەن جوبالار جاساۋشىلار بولسا، ءتىپتى بەينە فيلم ءتۇسىرىپ، رۋحاني ورتالىعىمىزدى الەمگە تانىتىپ جاتسا قانەكي. كەز كەلگەن ەلدى الەمگە تانىتۋ تەك ول ەلدىڭ رۋحاني- مادەني قۇندىلىقتارى ارقىلى جۇزەگە اسىرىلاتىن دۇنيە.
