08:04, 19 - قازان 2016 | GMT +5
شىعىس قازاقستان شارۋالارى كۇنباعىستى قازان ايىنىڭ سوڭىنا دەيىن جيناپ الماق
وسكەمەن. قازاقپارات - شىعىس قازاقستان وبلىسى اۋىل شارۋاشىلىعى باسقارماسىنىڭ باستىعى امانگەلدى ۋاليەۆ اۋا رايىنىڭ قولايسىزدىعىنا قاراماستان بارلىق اۋىل شارۋاشىلىعى داقىلدارىن ۋاقىتىندا جيناپ الىناتىندىعىن ايتتى،
دەپ حابارلايدى قازاقپارات ش ق و- نىڭ اقپارات ورتالىعىنا سىلتەمە جاساپ.
وبلىستىڭ بارلىق ايماقتارى ءداندى داقىلداردى ورىلدى. سونداي- اق كوكونىس پەن باقشا ونىمدەرى دە جينالدى. كارتوپ جيناۋ جۇمىستارى اياقتالۋعا تاياۋ. مايلى داقىلداردى شارۋالار قازان ايىنىڭ سوڭىنا دەيىن جەتكىزىپ الماق. بۇگىنگى تاڭدا ونىڭ 37 پايىزى ورىلدى.
«ءاربىر داقىلدىڭ وزىندىك جيناۋ ءادىسى بار. بيداي تامىزدىڭ سوڭىندا قىركۇيەكتىڭ باسىندا ورىلاتىن بولسا، كۇنباعىس قىركۇيەكتە جينالادى. بىزدە ءالى ۋاقىت بار. تەحنيكا ازىرگە جۇرە الادى. وعان قاجەتتى جاعارماي دا جەتكىلىكتى. اۋىل شارۋاشىلىعى مينيسترلىگى تاراپىنان كوكتەمگى جيىن- تەرىنگە 25 مىڭ توننا وتىن ءبولىندى»، -دەدى ۋاليەۆ.
