تۇركياداعى توتەنشە جاعداي رەجىمىن ۇزارتۋ كۇشىنە ەندى
19- قازاننان باستاپ تۇركيا اۋماعىندا توتەنشە جاعداي رەجيمىنىڭ ۇزارتىلۋى كۇشىنە ەنەدى. بۇل تۋرالى قازان ايىنىڭ باسىندا ەل پرەزيدەنتى رەجەپ تايىپ ەردوعان ءمالىم ەتتى. ول بۇل رەجىم الداعى ۋاقىتتا ۇزارتىلۋى مۇمكىن ەكەنىن ءمالىم ەتكەن بولاتىن.
انكارادا «حالىقتىڭ قاۋىپسىزدىگى مەن قوعامدىق ءتارتىپتى قامتاماسىز ەتۋ ماقساتىندا» 2016 -جىلدىڭ قاراشا ايىنىڭ سوڭىنا دەيىن كەز كەلگەن بۇقارالىق جيىن مەن ميتينگتەردى وتكىزۋگە تىيىم سالىندى. بيلىكتىڭ مۇنداي شەشىمدى قابىلداۋىنا توتەنشە جاعداي رەجيمىنىڭ ۇزارتىلۋى عانا ەمەس، كۇش قۇرىلىمدارىندا ەلوردا مەن پروۆينتسيالاردا تەراكت دايىندالىپ جاتىر دەگەن اقپاراتتىڭ پايدا بولۋى سەبەپ بولدى، دەپ حابارلادى Daily Sabah باسىلىمى.
توتەنشە جاعداي رەجىمى 15- شىلدەدە بولعان اسكەريى توڭكەرىستەن كەيىن ەنگىزىلدى. شەرۋشىلەردى قولدادى دەپ ايىپتالعان 30000 استام ادام تۇرمەگە قامالدى. 60000 استام ادام جۇمىستان شىعارىلدى. ونىڭ ىشىندە اسكەريلەر، پوليتسەيلەر، وقىتۋشىلار، جۋرناليستەر بار.
