قازاقستان التىن الۋدىڭ جاڭا تەحنولوگياسىن ەنگىزەدى

استانا. قازاقپارات  -  ۇلتتىق تەحنولوگيالىق دامۋ اگەنتتىگى وتاندىق كاسىپورىنعا التىن جانە سيرەك  جەراستى مەتالدارىن الۋدىڭ جاڭا تەحنولوگياسىن ازىرلەۋگە گرانت ءبولدى.

 «ل ە س» ج ش س (شىعىس قازاقستان وبلىسى) حولدينگتىڭ ەنشىلەس ۇيىمىنان التىن، مينەرالدىق جانە تەحنوگەندىك شيكىزاتتان  قانىقتىعى جوعارى ەنەرگەتيكالىق الاڭداعى سيرەك مەتالل، سيرەك  جەراستى مەتالدارىن الۋدىڭ ونەركاسىپتىك اسا جوعارى جيىلىكتى تەحنولوگياسىن ازىرلەۋگە 21, 5 ميلليون تەڭگە كولەمىندە گرانت الدى.  

  التىن، سيرەك مەتالل، سيرەك جەراستى مەتالدارىنىڭ كونسەنتراتىن ءوندىرۋدىڭ كلاسسيكالىق تەحنولوگياسى بۇدان باسقا كەندى كوپ كەزەڭدى ۇساقتاۋ جانە كونۆەكتسيوندىق ەلەكتر پەشىندە كونتسەنتراتتى كەپتىرۋ سياقتى ەنەرگيا شىعىندايتىن كەزەڭدەردى قامتيدى. التىن العان جاعدايدا، قوسىمشا شىعىندار كەندى بەرىكتەندىرۋ قاجەتتىگىنە بايلانىستى.  مۇنداي تەحنولوگيانىڭ ۇزاقتىعى مەن شىعىندىلىعى كاسىپورىندارعا وندىرىستىك قۋاتتى ەداۋىر ۇلعايتۋعا مۇمكىندىك بەرمەيدى»، - دەپ اتاپ ءوتتى «ۇلتتىق تەحنولوگيالىق دامۋ اگەنتتىگى» ا ق باسقارۋشى ديرەكتورى ولجاس التايەۆ.

ساراپشىلاردىڭ قورىتىندىسىنا سايكەس بۇل تەحنولوگيا بىرەگەي بولىپ تابىلادى، ال قولدانىستاعى انالوگتار ونىمدىلىگى جاعىنان ارتتا قالادى،  قىمبات ءارى قولايسىز.