بەس قازاقستاندىق كومپانيا ءوز ءونىمىن قىتايلىق بيزنەسكە تانىستىردى - فوتو
شارانى ق ر ي د م «KAZNEX INVEST» ۇلتتىق ەكسپورت جانە ينۆەستيتسيالار اگەنتتىگى» ا ق قىتايداعى قازاقستان ەلشىلىگىنىڭ قولداۋىمەن ۇيىمداستىردى. وعان «بايان سۇلۋ» ا ق، «كۋبلەي» ج ش س، «كونسەرن «سەسنا- استىق»، «RG Brands Kazakhstan» جانە «قاينار- ا ك ب» سياقتى كومپانيالار قاتىستى. ولار قىتايلىق سەرىكتەستەرىمەن B2B فورماتىندا كەلىسسوزدەر وتكىزدى. قىتايلىق تاراپتان فورۋمعا 25 كومپانيا قاتىستى.
«بەيجىڭگە قازاقستاندىق برەندتى تانىستىرۋ ءۇشىن كەلدىك. بەس كومپانيا: ءتورت ازىق- تۇلىك سەكتورىنداعى جانە اككۋمۋلياتور زاۋىتىنىڭ وكىلدەرىن اكەلدىك. بۇل قازاقستاننىڭ بەلگىلى ەكسپورتشىلارى جانە ت م د اۋماعىندا بەلگىلى كومپانيالار. قىتاي نارىعىنداعى باستى مىندەت- ءىرى سەرىكتەستەردى تابۋ، قىتايلىق نارىققا شىعۋ»، - دەدى «KAZNEX INVEST» ا ق باسقارۋشى ديرەكتورى جالەل بولاتوۆ .
ونىڭ سوزىنە قاراعاندا، شارا قارساڭىندا قازاقستاندىقتار بەيجىڭدە ءبىرقاتار ىسكەرلىك كەڭەس وتكىزدى.
«مىسالى، «قاينار- ا ك ب» كومپانياسىنىڭ پوتەنسيالدى سەرىكتەستەرى بار. الايدا اككۋمۋلياتورلار قاۋىپتى جۇك ساناتىندا. سوندىقتان پروتسەسس سوزىلعان. دەگەنمەن «قاينار- ا ك ب» كەلىسوزدەردى ءساتتى جۇرگىزىپ جاتىر، قىتايعا اككۋمۋلياتورلاردىڭ العاشقى سىناما پارتياسى جونەلتىلدى»، - دەدى ج. بولاتوۆ.
«Golden Camel Trade Co., Ltd» ساۋدا كومپانياسىنىڭ باسقارما ءتوراعاسى شەن يانلين قازاقپاراتقا قازاقستاندىق ازىق- تۇلىك وندىرۋشىلەرمەن سەرىكتەس بولۋعا قىزىعۋشىلىق تانىتىپ وتىرعانىن ايتتى.
«قاينار- ا ك ب» ج ش س قارجى جانە ەكونوميكا بويىنشا ديرەكتورى سالتانات تۇسىپبايەۆا قازاقپاراتقا قازاقستاندىق اككۋمۋلياتوردىڭ قىتاي نارىعىنا شىعارۋ بويىنشا جاسالىپ جاتقان جۇمىستار جايلى باياندادى.
ونىڭ سوزىنە قاراعاندا، «قاينار- ا ك ب» اككۋمۋلياتور زاۋىتى 1975 - جىلدان جۇمىس ىستەيدى. جىل سايىن 2-3 ميلليون اككۋمۋلياتور وندىرەدى. ونىڭ 70 پايىزى ت م د ەلدەرىنە، اۋعانستان، گەرمانيا جانە پولشاعا ەكسپورتتالادى. 
