نازاربايەۆا ناتو وكىلىمەن ايماقتىق تۇراقتىلىق ماسەلەلەرىن تالقىلادى
كەزدەسۋگە سەناتورلار يكرام ادىربەكوۆ جانە مۇحتار التىنبايەۆ قاتىستى، دەپ حابارلايدى قازاقپارات.
د. نازاربايەۆا ناتو- مەن ارىپتەستىكتى دامىتۋ قازاقستاننىڭ سىرتقى ساياسي باعىتىنداعى ماڭىزدى باسىمدىعى ەكەنىن اتاپ ءوتتى.
اڭگىمە بارىسىندا قورعانىس جانە قاۋىپسىزدىك سالاسىنداعى ۇلتتىق الەۋەتىن نىعايتۋعا، ايماقتىق تۇراقتىلىققا تونەتىن قاتەرلەر مەن قاۋىپتەرگە قارسى ءىس- قيمىلعا جاردەمدەسەتىن سولتۇستىك اتلانتيكا اليانسىنىڭ قازىرگى كەزدەگى باعدارلامالارى مەن ۇزدىك تاجىريبەسىن تارتۋعا ءبىزدىڭ ەل مۇددەلى ەكەنى اتاپ ءوتىلدى.
ناتو باس حاتشىسىنىڭ ارناۋلى وكىلى قازاقستان مەن سولتۇستىك اتلانتيكا اليانسى اراسىنداعى ءوزارا ءىس- قيمىلدى، ەلىمىزدىڭ بىتىمگەرلەرىنىڭ دايىندىق دەڭگەيىن وڭ سيپاتتاي وتىرىپ، قازاقستاننىڭ جاھاندىق ديپلوماتياداعى ءرولىن جوعارى باعالادى.
اۆتور: سەرىك قاراجان
