19:35, 18 - قازان 2016 | GMT +5
اتىشۋلى «توقال» فيلمى پروكاتقا شىعاتىن كۇن بەلگىلى بولدى - فوتو
استانا. قازاقپارات - العاشقى پرومو- ترەيلەرى جارىققا شىققان ساتتەن باستاپ قوعامدا ءتۇرلى داۋ- دامايلاردى تۋدىرۋعا سەبەپشى بولعان «توقال» («The Other Wife») كوركەم فيلمى 2016 - جىلعى 8 - جەلتوقساندا پروكاتقا شىعاتىنى بەلگىلى بولدى.
وتباسىلىق قۇندىلىقتار مەن ۇرپاقتار اراسىنداعى قارىم- قاتىناستى بەينەلەيتىن الەۋمەتتىك درامانىڭ ءتۇسىرىلىم جۇمىستارى 2015 -جىلى الماتى جانە لوس- اندجەلەس قالالارىندا وتكەن بولاتىن.
فيلمنىڭ پروديۋسەرى ءارى باستى رولدەردىڭ ءبىرىن سامداۋشى گاۋحار نۇرتاستىڭ ايتۋىنشا، بۇل فيلمدە كوتەرىلگەن الەۋمەتتىك پروبلەما سوڭعى جىلدارى تەك قازاقستان عانا ەمەس، الەمنىڭ كوپتەگەن ەلدەرى ءۇشىن وزەكتى بولىپ تابىلادى.
فيلمدە باستى رولدەردى جانەل ماقاجان، ەرىك جولجاقسىنوۆ جانە تۇڭعىشباي جامانقۇلوۆ سەكىلدى ونەر مايتالماندارى سومدايدى. فيلم يدەياسى گاۋھار نۇرتاس پەن مەديا سالاسىنداعى بەلگىلى بيزنەسمەن ارمانجان بايتاسوۆقا تيەسىلى. سسەناري اۆتورى جانە رەجيسسەر - ەۆگەني چەلتسوۆ (رەسەي).
