الماتى- تالدىقورعان تاس جولىنىڭ قۇرىلىسى اياقتالۋعا جاقىن

تالدىقورعان. قازاقپارت - الماتى- تالدىقورعان تاس جولىنىڭ قۇرىلىسى اياقتالۋعا جاقىن دەپ، حابارلايدى قازاقپارات.

  «نۇرلى جول» باعدارلاماسى اياسىندا اتالعان جوبا بويىنشا تاس جولدىڭ 245 شاقىرىمى جاڭارتىلادى. 2013 -جىلى باستالعان جوبانىڭ قازىر 223 شاقىرىم جولى تولىقتاي جاڭا تالاپ بويىنشا قايتا سالىندى. ەندى قالعان 22 شاقىرىمعا جۇمىستار جۇرگىزىلىپ جاتىر دەپ ءمالىم ەتتى، الماتى وبلىستىق جولاۋشىلار كولىگى جانە اۆتوموبيل جولدارى باسقارماسىنىڭ باسشىسى ەرجان جاسىبايەۆ.

سونداي اق باسقارما باسشىسىنىڭ مالىمەتىنشە، جالپى الماتى تالدىقورعان تاسجولىنىڭ قۇرىلىسى 2017 - جىلدىڭ تامىز ايىندا اياقتالۋى ءتيىس.

الماتى مەن قاپشاعاي اراسى التى جولاقتى بولسا، قاپشاعايدان تالدىقورعان شاھارىنا دەيىنگى جول 4 جولاقتى. قازىرگى تاڭدا ماگيسترالدىڭ ءبىر جاق بولىگى پايدالانۋعا بەرىلدى. وسىنىڭ ءوزى جۇرگىزۋشىلەر مەن جولاۋشىلارعا قولايلى جاعداي تۋعىزدى. ال، الداعى ۋاقىتتا ءدال وسى «نۇرلى جول» باعدارلاماسى اياسىندا تالدىقورعاننان وسكەمەنگە دەيىنگى جولدىڭ قۇرىلىسى باستالادى. قازىرگى تاڭدا ەسەپ- قيساپ، جوبالاۋ جۇمىستارى جۇرگىزىلىپ جاتىر.

اۆتور:   سامال قابىشيەۆا