اۆستريادا گيتلەر دۇنيەگە كەلگەن ءۇي سۇرىلمەك

استانا. قازاقپارات - اۆستريا بيلىگى گيتلەردىڭ تۋعان ءۇيىن ءسۇرۋ تۋرالى شەشىم قابىلدادى. اتالمىش ءۇي ەلدىڭ باتىسىندا ورنالاسقان.  

«گيتلەردىڭ ءۇيى سۇرىلەدى. نەگىزى (فۋندامەنت) قالۋى مۇمكىن. ءبىراق جاڭا عيمارات تۇرعىزىلادى. سالىناتىن عيمارات قايىرىمدىلىققا نەمەسە مەملەكەت قاجەتتىلىگىنە قاراي پايدالانىلادى» - دەدى ىشكى ىستەر ءمينيسترى ۆولفگانگ سوبوتكا.

العاشقى شەشىم ساۋىردە قابىلدانعانىمەن، ەل پارلامەنتى ونى شىلدە دە عانا ماقۇلداعان.

1972 - جىلدان باستاپ اۆستريانىڭ ىشكى ىستەر مينيسترلىگى عيماراتتىڭ جال پۇلى رەتىندە براۋناۋ- ام- ينن قالاسىنىڭ اكىمشىلىگىنە بەس مىڭ ەۋرو تولەپ وتىرعان.

عيمارات 2011 -جىلدان بەرى پايدالانىلماعان. اۆستريا بيلىگى بۇل جەردە ەسكەرتكىش ورناتۋ، تۇرعىن ءۇي رەتىندە پايدالانۋ نەمەسە ءسۇرۋ تۋرالى ءبىر شەشىمگە كەلە الماعاندىقتان جال پۇلىن تولەپ كەلگەن.

دەرەككوز: caravan.kz