قىرعىزستاندىق سۋرەتشى ءجىپ جانە شەگەمەن سالعان پرەزيدەنت پورترەتىن پۋتينگە سىيلادى - فوتو
بۇل تۋرالى zanoza kg حابارلايدى.
«ءسىزدىڭ رەسەي پرەزيدەنتىنە جولداعان قۇتتىقتاۋىڭىزدى الدىق. بارشا كەلىپ تۇسكەن سىيلىقتار، كىتاپتار، سۋرەتتەر مەن كارتينالار ارنايى تارتىپپەن راسىمدەلىپ، ر ف پرەزيدەنتىنىڭ جەكە كىتاپحاناسىنا جىبەرىلەدى. سول جەردە پرەزيدەنت اتالمىش سىيلىقتارمەن تانىسىپ شىعادى»، - دەلىنگەن حابارلامادا.
جاناليەۆ رەسەي پرەزيدەنتىنىڭ سۋرەتىن تەك عانا شەگە جانە جىپتەن سالىپ شىققان. كارتينانى ول سانكت-پەتەربۋرگكە بارعان ساپارى كەزىندە دۇنيەگە اكەلگەن. پورترەتتىڭ نەگىزى رەتىندە سۋرەتشى پۋتيننىڭ جاس كەزىن تاڭداپ الىپتى. سول ارقىلى ونىڭ پەتەربۋرگپەن بايلانىسىن كورسەتكىسى كەلگەن. جاناليەۆتىڭ پەتەربۋرگتە جاساعان تاعى ءبىر جۇمىسى بۇل - I پەتردىڭ سۋرەتى.
ول ءارى قاراي ساياحاتىن جالعاستىرۋ ءۇشىن بۇل پورترەتتى ساتقان. ول الەمدى ارالاپ ساياحاتتاعاندى ۇناتادى. ول بەس جىل ىشىندە 120 ەلگە تابانىن تيگىزىپ، تاريحي جانە قازىرگى تاڭداعى ەل كوشباسشىلارىنىڭ 200 دەن استام سۋرەتىن سالۋدى جوسپارلاۋدا. تۇركياعا بارعان كەزىندە مۇستافا اتاتۇرىك پەن رەدجەپ ەردوعاندى بەينەلەمەك. جاناليەۆ ءوز جوباسىن «ۇلى قىرعىز جولى» دەپ اتاعان. قىرعىزستان تاريحىندا بىردە- ءبىر الەم كەزگەن ساياحاتشى بولمادى دەگەن ول، وسى اتاققا تۇڭعىش ادام رەتىندە قول جەتكىزگىسى كەلەدى.
