ماڭعىستاۋدا زەينەتتىك جاسقا جەتكەن اجەي ۇزاتىلدى - فوتو، كەسكىن
استانا. قازاقپارات - الەۋمەتتىك جەلىلەردە زەينەتتىك جاسقا جەتىپ قالعان اجەمىزدىڭ ۇزاتىلىپ جاتقان ۆيدەوسى تاراي باستادى، دەپ حابارلايدى قازاقپارات.
پىكىر بىلدىرۋشىلەردىڭ سوزىنە سەنسەك، اقجاۋلىقتى اجەمىزدى قۇتتى مەكەنىنە شىعارىپ سالۋ ءراسىمى ماڭعىستاۋ وبلىسىنىڭ جاڭاوزەن قالاسىندا وتكەن.
بەينەتۇسىرىلىمنىڭ باسقى بولىگىندە «جاس كەلىندى» تۋعان- تۋىستار ءوز ۇيىنەن شىعارىپ سالىپ جاتادى. ول ءداستۇر بويىنشا سىڭسۋ ايتىپ، قوشتاسادى. ال ۆيدەونىڭ سوڭىنا قاراي قۋانعان اعايىن- تۋىستىڭ، سونىڭ ىشىندە ۇزاتىلىپ جاتقان اجەيدىڭ شات- شادىمان ءبيىن تاماشالاۋعا بولادى. سونداي-اق تۇسكەن شاڭىراقتاعى اجەيدىڭ بەتىن اشۋ راسىمىنەن فوتو دا بار.
فەيسبۋك پايدالانۋشىلارىنىڭ ءبىرى اجەيگە باقىت تىلەسە، ءبىرى «نەمەرە سۇيەتىن جاسقا جەتكەننەن كەيىن، مۇنشا ءراسىم ۇيىمداستىرۋدىڭ قاجەتى جوق ەدى»، دەگەن پىكىرلەرىن بىلدىرۋدە.
