الماتىداعى جول- كولىك وقيعاسى كەزىندە ءۇش اۆتوكولىك ارىققا ۇشىپ كەتتى - فوتو

الماتى. قازاقپارات - گوگول كوشەسىنىڭ تومەنگى جاعىنداعى بايتۇرسىنوۆ كوشەسىندە ءۇش اۆتوكولىك جول اپاتىنا ۇشىرادى، دەپ حابارلايدى قازاقپارات.

الماتى قالالىق ءى ءى د باسپا ءسوز قىزمەتىنىڭ حابارلاۋىنشا، جول- كولىك اپاتىنان ەشكىم زارداپ شەككەن جوق.

BMW-7 ماركالى اۆتوكولىك زاڭسىز جەردەن جولدى كەسىپ وتكەن جاياۋ جۇرگىنشىنى سوعۋدان قاشىپ، تۇراقتا تۇرعان Toyota Camry جانە Subaru اۆتوكولىكتەرىنە سوقتىعىسقان. جويقىن سوققىدان ءۇش كولىك تە جولدان شىعىپ، ارىققا ۇشىپ كەتتى.

الماتى ءى ءى د جول- كولىك اپاتىنان ەشكىم زارداپ شەكپەگەنىن اتاپ ءوتتى.

ەسكە سالا كەتسەك، وتكەن اپتادا ەر ادام مەن ونىڭ ءۇش جاسار ۇلى مەرت بولعان جان تۇرشىگەرلىك جول- كولىك اپاتى بولدى. جولاۋشى كولىكتى باسقارا الماي، اعاشقا سوعىلعان جانە جىراعا ءتۇسىپ كەتكەن. اتالعان فاكت بويىنشا (345-باپ، 4- ءبولىم «ەكى نەمەسە ودان دا كوپ تۇلعانىڭ ولىمىنە اكەپ سوققان جول- كولىك اپاتى») سوتقا دەيىنگى تەرگەۋ امالدارى ءجۇرىپ جاتىر.