قازاق- تۇرىك ليتسەيلەرى ەندى ب ي ل اتاۋىن يەلەنۋى مۇمكىن
«قور باسشىلىعىنىڭ (قوردىڭ قۇرىلتايشىلار كەڭەسى مەن قوردىڭ عىلىمي- ادىستەمەلىك كەڭەسى)، ق ت ل ءبىلىم الۋشىلارىنىڭ اتا- انالار قاۋىمداستىعى، ليتسەي ديرەكتورلارىنىڭ شەشىمىمەن قتل اتاۋىنا «رەبرەندينگ» جاساۋ، ياعني ءبىلىم بەرۋ ۇيىمىنىڭ قوعامداعى ورنى مەن مارتەبەسىن جايلى جايعاستىرۋ ماقساتىندا اتىن اۋىستىرۋدى، جانە دە ونى قازاقستان رەسپۋبليكاسى تاۋەلسىزدىگىنىڭ 25 جىلدىق مەرەيتويىنا ورايلاستىرىپ، اتاۋىن ء«بىلىم- يننوۆاتسيا ليتسەيى» دەپ وزگەرتۋ تۋرالى باستاما كوتەرىپ وتىر»، - دەپ حابارلانعان قوردىڭ باسپا ءسوز قىزمەتى تاراتقان اقپاراتتا.
قوردىڭ باسپا ءسوز قىزمەتى تاراتقان اقپاراتقا سۇيەنسەك، ق ر پرەمەر- ءمينيسترىنىڭ ورىنباسارى يمانعالي تاسماعامبەتوۆ قوردىڭ قامقورشىلىق كەڭەسىنىڭ ءتوراعاسى بولىپ، ال ق ر ءبىلىم جانە عىلىم ءمينيسترى ەرلان ساعاديەۆ اتالعان كەڭەستىڭ مۇشەسى اتانعان ەكەن.
ايتا كەتەيىك، قازىر «KATEV» ح ق ق باسقارۋىندا 27 مەملەكەتتىك قازاق- تۇرىك ليتسەيى بار. قور قازاقستان رەسپۋبليكاسى زاڭناماسىنا، حالىقارالىق نورمالارعا، سونداي-اق، قۇرىلتايشىلار اراسىنداعى جارعى ەرەجەلەرىنە سايكەس قىزمەت اتقارادى. قوردىڭ قۇرىلتايشىلار قۇرامى ءۇش ادامنان تۇرادى، بارلىعى قازاقستان رەسپۋبليكاسىنىڭ ازاماتتارى. قازاق- تۇرىك ليتسەيلەرى وسى 24 جىل بويى ەلىمىزدىڭ ءبىلىم بەرۋ سالاسىن جاڭا ساپالىق دەڭگەيگە كوتەرۋ تۇرعىسىندا، ونى حالىقارالىق ارەنادا ابىرويمەن اتقارىپ كەلەدى.
ليتسەي وقۋشىلارىنىڭ 2015-2016 وقۋ جىلى جەتكەن جەتىستىكتەرى:
حالىقارالىق پاندىك وليمپيادالار - 129؛
حالىقارالىق عىلىمي جوبا جارىستارى - 238؛
رەسپۋبليكالىق پاندىك وليمپيادا - 253
رەسپۋبليكالىق عىلىمي جوبا جارىستارى - 62.
ال، الدىڭعى قاتارلى وقۋ ورىندارىنا ءتۇسۋ بويىنشا 2015-2016 وقۋ جىلىندا ق ر ج و و- ىنا (گرانتتار) 821 تۇلەك تۇسكەن. نازاربايەۆ ۋنيۆەرسيتەتىنە - 148, ت م د جانە الىس شەت ەلدەردىڭ ج و و - 267 ءبىتىرۋشى قابىلدانعان.
اۆتور: كەنجەكەي توقتامۇرات قىزى
