تايلاندتاعى ازا تۇتۋعا بايلانىستى الماتىلىق بوكسشىنىڭ كەزدەسۋى كەيىنگە قالدى
2013 -جىلدان بەرى دجافار تاي بوكسىمەن اينالىسادى. العاشىندا تۋعان قالاسى الماتىداعى جاتتىعۋعا بارىپ ءجۇردى. 2015 -جىلى مەكتەپتى بىتىرگەن سوڭ، ول كاسىبيلەردىڭ قول استىندا جاتتىعۋ ءۇشىن تايلاندقا كەتتى. جاس جىگىت التى اي بانگوكتا ءومىر ءسۇردى جانە سوڭعى 10 ايدا پاتتايادا ءومىر ءسۇرىپ، جاتتىعىپ جاتىر.
19 جاستاعى دجافار جەرگىلىكتى تەلەارنالاردا كورسەتىلەتىن جەكپە-جەكتەرگە قازاقستاننىڭ اتىنان شىعادى. وسى ۋاقىتتا 12 كاسىبي ايقاس وتكىزگەن دجافار 8 رەت جەڭىسكە جەتكەن.
21 -قازان كۇنى جاس جىگىت رينگكە شىعۋى ءتيىس ەدى. الايدا، بۇل ەلدە ازا تۇتىلۋىنا بايلانىستى جەكپە-جەك كەيىنگە قالدى. الماتىلىقتىڭ ايتۋىنشا، تاي تەلەارنالارىنا 30 كۇنگە بوكس كەزدەسۋلەرىن ۇيىمداستىرۋعا جانە ترانسلياتسيالاۋعا تىيىم سالىندى.
ەسكە سالا كەتكەك، 13 -قازاندا تايلاند كورولى پحۋميپون ادۋليادەت 89 جاسقا قاراعان شاعىندا دۇنيەدەن وزدى. ول 70 جىلدان استام تاقتا وتىرىپ، قازىرگى زامانعى ەڭ ۇزاق بيلىكتە وتىرعان مونارح رەتىندە تاريحتا قالدى.
ەلدە 1 جىل ازا تۇتۋ جاريالاندى. تايلاند پرەمەر- ءمينيسترى پرايۋت چان- وچا وتانداستارىن الداعى 30 كۇندە كەز كەلگەن ويىن- ساۋىق شارالارىنان اۋلاق بولۋعا شاقىردى. باسىلىمداردىڭ حابارلاۋىنشا، جەكە تۋريستىك ايماقتار مەن كەي دۇكەندەر جابىلعان. ەندى ءبىر دۇكەندەر ىشىمدىك ساتۋدى توقتاتتى.
