ق ر- داعى ا ق ش ەلشىلىگى پاستا كۇنىن قازاقشا ەتپەن اتاپ وتپەك

استانا. قازاقپارات - ق ر- داعى ا ق ش ەلشىلىگى پاستا كۇنىن ەت ءپىسىرىپ اتاپ وتپەك. بۇل تۋرالى ديپلوماتيالىق وكىلدىك ءوزىنىڭ فەيسبۋكتەگى پاراقشاسىندا حابارلادى.

«17 - قازان امەريكادا پاستا كۇنى دەپ اتالادى ەكەن. ءبىز دە ا ق ش باس قونسۋلدىعىنىڭ #beshintheusa ناۋقانىنا قوسىلىپ، وسى مەيرامدى قازاقشا ەت پەن بىرگە اتاپ وتەيىك! ال ءسىز سۋرەتتە بەلگىلەنگەن قازاقشا ەت قۇرامدارىن بىلەسىز بە؟»، - دەلىنگەن ەلشىلىكتىڭ فەيسبۋكتەگى رەسمي پاراقشاسىندا (ورفوگرافياسى ساقتالعان).

ەسكە سالا كەتەيىك، ق ر- داعى ا ق ش باس كونسۋلدىعى ا ق ش پەن قازاقستان اراسىنداعى دوستىقتىڭ 25 جىلدىعى قۇرمەتىنە «امەريكالىققا قازاقشا ەت ۇسىن -#beshintheusa» شاراسىن ۇيىمداستىرعان. ونىڭ تالاپتارىنا سايكەس وعان قاتىسۋشىلار ەت اسىپ، امەريكالىقتار مەن قازاقستاندىقتاردىڭ ءبىر داستارحاندا وتىرعانىن فوتوعا ءتۇسىرۋى ءتيىس.

ەسكە سالا كەتسەك، 2015 -جىلى 6 - شىلدەدە استانا كۇنىندە ەلوردا اسپازدارى سالماعى 700 كەلىلىك قازاقشا ەت ازىرلەدى. ول گيننەستىڭ رەكوردتار كىتابىنا ەندى.

 ا ق ش- قا پاستانى ەلدىڭ ءۇشىنشى پرەزيدەنتى توماس دجەففەرسون 1789 - جىلى جەتكىزگەن. ول ماكارونداردى عانا ەمەس، سونىمەن قاتار پاستا دايىنداۋعا ارنالعان ماشينا اپارعان. ا ق ش- تا ماكارون ونىمدەرىن وندىرەتىن العاشقى زاۋىت 1848 -جىلى اشىلدى. ونى نيۋ- يوركتىك برۋكليندە فرانسۋز انتۋان زەرەگ اشتى.