نازاربايەۆتىڭ ەش جەردە جاريالانباعان سۋرەتى تابىلدى

استانا. قازاقپارات - «اقتوبە تايمس» باسىلىمىنىڭ جۋرناليستەرى نۇرسۇلتان نازاربايەۆتىڭ بۇعان دەيىن ەش جەردە جاريالانباعان سۋرەتىن تاۋىپ الدى.

سۋرەت اقتوبە وبلىستىق كومسومول كوميتەتىنىڭ ءبىرىنشى حاتشىسى مارقۇم ۇكەتاي بايجومارتوۆتا ساقتالىپتى. كوپ جىلدار بۇرىن بايجومارتوۆ حەلسينكيدەگى جاستار مەن ستۋدەنتتەر فورۋمىنا قاتىسقان، وعان بولاشاق پرەزيدەنت تە بارعان ەكەن. بۇل نۇرسۇلتان ءابىش ۇلىنىڭ شەتەلگە تۇڭعىش شىققان كەزى دەلىنەدى.

دەلەگاتتاردىڭ ماسكەۋلىك «يۋنوست» قوناقۇيىنىڭ ۆەستيبيۋلىندە، فەستيۆال پويىزىندا بولعانى، كەيىن تەپلوحودپەن حەلسينكيگە جەتكەنى بەلگىلى. بۇل تۋرالى كينوقۇجاتتار ساقتالىپتى.

«سوعان قاراعاندا، بۇل سۋرەتتەر فەستيۆال پويىزىنىڭ الدىندا تۇسىرىلگەن»، - دەيدى جۋرناليست، «شىعىس اقپارات» مەدياحولدينگىنىڭ جەتەكشىسى مۇرات بۇلدەكبايەۆ.

«مىناۋ ەسكەرتكىش سۋرەتتە ۇكەتاي بايجومارتوۆتى، ونىڭ قاسىندا ءابساتتار بۇلدەكبايەۆتى، ولاردىڭ الدىندا ەلىمىزدىڭ بولاشاق پرەزيدەنتى نۇرسۇلتان نازاربايەۆتى كورىپ وتىرمىز»، - دەپ جازادى باسىلىم.

 Baq.kz