تايلاندتا قارا ءتۇستى كيىم جەتىسپەي جاتىر

استانا. قازاقپارات - تايلاند ۇكىمەتى ەل كورولى پحۋميپون ادۋليادەتتىڭ قايتىس بولۋىنا بايلانىستى جاپپاي ازا تۇتۋ سالدارىنان مەملەكەتتە قارا كيىمنىڭ تاپشىلىعى بايقالاتىنىن ايتتى. بۇل تۋرالى «گارديان» گازەتى جازدى.

 ۇكىمەت قارا كيىمنىڭ باعاسىن وسىرەتىندەرگە  3900 دوللار ايىپپۇل سالىنۋى، سونىمەن قاتار ولار جەتى جىلعا دەيىن باس بوستاندىعىنان ايىرىلۋى مۇمكىن ەكەنىن مالىمدەدى.

ەسكە سالا كەتكەك، 13 - قازاندا تايلاند كورولى پحۋميپون ادۋليادەت 89 جاسقا قاراعان شاعىندا دۇنيەدەن وزدى. ول 70 جىلدان استام تاقتا وتىرىپ، قازىرگى زامانعى ەڭ ۇزاق بيلىكتە وتىرعان مونارح رەتىندە تاريحتا قالدى.

ەلدە 1 جىل ازا تۇتۋ جاريالاندى. تايلاند پرەمەر- ءمينيسترى پرايۋت چان- وچا وتانداستارىن الداعى 30 كۇندە كەز كەلگەن ويىن- ساۋىق شارالارىنان اۋلاق بولۋعا شاقىردى. باسىلىمداردىڭ حابارلاۋىنشا، جەكە تۋريستىك ايماقتار مەن كەي دۇكەندەر جابىلعان. ەندى ءبىر دۇكەندەر ىشىمدىك ساتۋدى توقتاتتى. ازا تۇتۋ كەزىندە تايلاند تۋريستەرى مەيرامحانالار، بار، ساۋدا ورتالىقتارى سەكىلدى ويىن- ساۋىق تۇرلەرىنە قاتىستى ءتۇرلى شەكتەۋلەرگە كەز بولۋى مۇمكىن.

ال، ق ر  ي د م قازاقستاندىق تۋريستەردەن تايلاندتاعى قايعىلى شارالارعا بايلانىستى قۇرمەت بەلگىسى رەتىندە

سىپايى كيىنۋدى جانە ەل الدىندا كوڭىل كوتەرمەۋدى ءوتىندى.