07:13, 17 - قازان 2016 | GMT +5
كۋۆەيت ءامىرى ەل پارلامەنتىن تاراتىپ جىبەردى
استانا. قازاقپارات - كۋۆەيت ءامىرى ساباح ال- احمەد ال- دجابەر اس- ساباح ەلدىڭ پارلامەنتىن تاراتۋ جونىندە جارلىق شىعاردى. ءامىر بۇل شەشىم ەلدىڭ الدىندا تۇرعان جاڭا سىن- قاتەرلەرگە بايلانىستى قابىلدانعانىن ايتتى،
دەپ حابارلادى KUNA رەسمي اگەنتتىگى.
«وڭىردە ورىن العان سوڭعى جاعدايلاردى ەسكەرە وتىرىپ، قاۋىپسىزدىك سالاسىنداعى جاڭا سىن- قاتەرلەردى قاپەرگە الا وتىرىپ، بيلىكتى حالىققا قايتارىپ بەرۋ كەرەك. حالىق ءوز وكىلدەرىن سايلاۋى ءتيىس. وسىلاي ولار سىن- قاتەرلەرگە قارسى تۇرا الادى»، - دەلىنگەن جارلىق ماتىنىندە.
ر ي ا نوۆوستي تاراتقان مالىمەت بويىنشا، جارلىق كۋۆەيتتىڭ مينيسترلەر كابينەتىنىڭ ءوتىنىشى بويىنشا قابىلدانعان.
كۋۆەيت زاڭى بويىنشا جاڭا پارلامەنت سايلاۋى ەكى اي ىشىندە ءوتۋى ءتيىس. پارلامەنتكە 50 دەپۋتات سايلانادى.
