كانادادا تۇراتىن ايەل وزىنە ءوزى كۇيەۋگە شىقتى

استانا. قازاقپارات -  كانادادا تۇراتىن كەيت سيمپسون ەسىمدى ايەل الەۋمەتتىك جەلىدەگى دوستارىنىڭ سۋرەتتەرىمەن نەكەلەسە بەرۋدەن جالىعىپ، اقىرىندا وزىنە ءوزى كۇيەۋگە شىعۋعا شەشىم قابىلدادى.

 بۇل تۋرالى The Huffington Post اقپارىنا سىلتەمە جاساعان ras.kz حابارلادى.

انىقتالعانداي، ايەل 2015 -جىلى سۇيىكتى ادامىمەن قوشتاسقاننان كەيىن ازەر ءوز قالپىنا كەلگەن ەكەن. روجدەستۆو كانيكۋلى كۇندەرى ول Facebook الەۋمەتتىك جەلىسىنەن دوستارىنىڭ تۇگەل دەرلىك تۇرمىس قۇراتىن بولىپ جاتقاندارىن وقىعاننان كەيىن بىردەن كوڭىلسىزدەنىپ كەتەدى. سول كەزدە كەيت ءوزى ءۇشىن ءبىر نارسە جاساماسا بولمايتىنىن تۇسىنەدى.

ءسويتىپ، جاڭا جىل مەرەكەسى قارساڭىندا كەلىنشەك وزىنە ءوزى ءسوز سالادى. ال 2016 -جىلدىڭ ساۋىرىندە «كۇيەۋگە شىعادى». توي ونىڭ تۋعان كۇنىندە وتەدى. سول كۇنى ول 28 جاسقا تولادى.

نەكەگە وتىرۋ ءراسىمى حارتۆۋد قالاسىندا جاسالادى. وعان كەيتتىڭ 100 دوسى مەن تۋىستارى كەلەدى. ال التارعا ونى اكەسى الىپ بارادى.

«مەنىڭ مامام جاس كۇنىمدە وسىندايدىڭ بولاتىنىن بىلگەندە، اكەمە ەمەس، وزىمە ۇيلەنەر ەدىم دەيدى»، - دەپ ازىلدەيدى قىز.

كەيت ەندى باسقا ەشكىممەن نەكەگە وتىرماۋعا انت بەرىپ وتىر.

سوعان قاراماستان، ءبىرقاتار بۇقارالىق اقپارات قۇرالدارى قازىرگى كەزدە سيمپسوننىڭ ءبىر ەر اداممەن كەزدەسىپ جۇرگەنىن ايتادى. ول مۇنىمەن بىرگە ءتىپتى بال ايىن دا وتكىزگەن كورىنەدى.