مالديۆ ۇلتتار دوستاستىعىنان شىقپاق

استانا. قازاقپارات - مالديۆ ەلى  ۇلى بريتانيا مەن ونىڭ بۇرىنعى وتار ەلدەرىنەن قۇرالعان ۇلتتار دوستاستىعىنىڭ قۇرامىنان شىقپاق. ۇكىمەتتىڭ مالىمدەۋىنشە، وعان ۇيىمنىڭ مەملەكەتتىڭ ىشكى ىستەرىنە ءجيى ارالاسىپ، رەسپۋبليكاعا قاتىستى ءادىل ساياسات ۇستانباۋى سەبەپ.

مىسالى، مالديۆ ءبىرقاتار دەموكراتيالىق رەفورما جۇرگىزگەنىمەن، ونى وداق ەلەۋسىز قالدىرعان. ءبىراق بۇعان دەيىن دوستاستىق ەل بيلىگىن دەموكراتيانى دامىتۋعا كۇش سالماسا، ۇيىمنان شىعارۋ تۋرالى ماسەلە كوتەرەتىنىن ەسكەرتكەن.

 سەبەبى، 2012 - جىلى دەموكراتيالىق جولمەن بيلىك باسىنا كەلگەن پرەزيدەنت موحامەد ناشيد تاقتان تايدىرىلىپ، اسكەريلەردىڭ بيلىگى قايتا كۇشەيدى. ال وتكەن جىلى سوت ونى لاڭكەستىك ارەكەتتەرگە باردى دەپ ايىپتاپ، 13 جىلعا باس بوستاندىعىنان ايىرعان. ايتا كەتەيىك، مالديۆ -  395 مىڭ تۇرعىنى بار ءۇندى مۇحيتىندا ورنالاسقان ارالداعى مەملەكەت.

www.24.kz