كەلىمبەتوۆ: قازاقستان ەكونوميكاداعى قيىندىقتاردان امان ءوتتى
ونىڭ ايتۋىنشا، قازاقستان مۇناي باعاسىنىڭ قۇلاۋىنا ءاۋ باستان ازىرلەنىپ، ۇكىمەتتىڭ بۇكىل رەزەرۆتەرىن قاداعالايتىن تاۋەلسىز قور قۇرعان. قازىر وندا 70 ميلليارد ا ق ش دوللارى ساقتاۋلى. بۇعان قوسا، مونەتارلى ساياساتتاعى وزگەرىستەر دە ءوز اسەرىن بەردى.
كەلىمبەتوۆ قازاقستاننىڭ جاڭا رەجيمگە، ياعني ينفلياتسيالىق شەكتەۋگە كوشىپ جاتقانىن جەتكىزدى. بۇعان مۇنايدىڭ قۇنسىزدانۋى، رەسەي ەكونوميكاسىنىڭ قۇلدىراۋى مەن قىتاي ەكونوميكاسىنىڭ باياۋلاپ كەتۋى تۇرتكى بولدى دەپ ءتۇسىندىردى. وسىنىڭ ارقاسىندا قازاق ەلى بۇل قيىنشىلىقتاردان امان- ەسەن ءوتتى، - دەدى.
سونداي- اق، ول ينفلياتسيانىڭ جىل سوڭىنا قاراي 10 پايىزدان تومەن تۇسەتىنىنە سەنىم ءبىلدىردى. ونىڭ پايىمداۋىنشا، بۇل كورسەتكىش قازىرگى قيىن- قىستاۋ زاماندا جامان ەمەس. سونىمەن قاتار قايرات كەلىمبەتوۆ مۇناي وڭدەۋگە قاتىستى جوسپارمەن دە ءبولىستى.
«ءبىز قازىر تاۋلىگىنە مۇنايدىڭ 1,7 ميلليون باررەلىن ءوندىرىپ، الەمدەگى مۇناي وڭدەيتىن توپ-20 ەلدەردىڭ قاتارىنا ەنەمىز. بىزدە قاشاعان مەن تەڭىز سياقتى الپاۋىت كەن ورىندارى بار. Exxonmobile ي Shevron كومپانيالارى بىزبەن ارىمەن قاراي دا جۇمىس ىستەۋگە مۇددەلى. سوندىقتان ءبىز مۇناي ءوندىرۋدى ەكى ەسە ۇلعايتىپ، 3 ميلليونعا دەيىن جەتكىزبەكشىمىز. ارتىنشا الەمنىڭ «ۇزدىك جەتىلىگىنە» كىرەتىن ويىمىز بار»، - دەدى «استانا» حالىقارالىق قارجى ورتالىعىنىڭ باسقارۋشىسى قايرات كەلىمبەتوۆ.
