ماڭعىستاۋ وبلىسىندا كەمەلەر شەرۋى ءوتتى
مۇنايلى تۇبەكتىڭ العاشقى ورتالىعى سانالاتىن ەلدىمەكەنگە بيىل 170 جىل. بۇل ۇلى جىبەك جولى كەرۋەنى كەسىپ وتكەن جەر. ال XIX عاسىردا قالاعا جەر اۋدارىلعان تانىمال ۋكراين اقىنى تاراس شيەۆچەنكونىڭ ەسىمى بەرىلدى.
ەكى ساعات بويى تەڭىز بەتىن شيىرلاعان كەمەلەر شەرۋىنە التى ازاماتتىق جانە ءۇش اسكەري سۋ كولىگى شىعارىلدى. ايلاققا جاقىن جەردە زاكىر تاستاعان كەمەلەر جانىنان «قازاقستان»، «سارى ارقا»، «ورال» جاۋىنگەرلىك كورابلدەرى ساپ تۇزەدى.
«كەمەلەر شەرۋىن وتكىزۋدەگى ماقساتىمىز - وتاندىق تەڭىز فلوتىنىڭ بۇگىنگى كەلبەتىن بارشا قازاقستاندىقتارعا كورسەتۋ. الەۋەتى جىل ساناپ كۇشەيە تۇسكەن اقتاۋ جانە «باۋتينو» پورتتارىندا ەكى جۇزدەن استام سۋ كولىگى تىركەلگەن. ءبىزدىڭ ايلاقتىڭ كەمەلەرى كاسپي قايراڭىنان پايدالى قازبالاردى وندىرۋگە جۇمىلدىرىلعان»، - دەيدى «باۋتينو» تەڭىز ايلاعىنىڭ باسشىسى پەتر كازاچكوۆ.
