قازاق كينوسىنىڭ جاڭا ءداۋىرى: «ءولىارا» پۋسان كينوفەستيۆالىندە ۇزدىك قىسقامەتراجدى فيلم دەپ تانىلدى
Busan International Film Festival - ازيا كينو يندۋسترياسىندا عانا ەمەس، الەمدە شوقتىعى بيىك كينوبايقاۋ. BIFF كينوفەستيۆالىندە ەلىمىزدىڭ جاس كينوگەرى ەلزات ەسكەندىردىڭ «ءولىارا» قىسقامەتراجدى فيلمى Sonje Award اتالىمىندا ۇزدىك كارتينا دەپ تانىلدى. سونداي- اق رەجيسسەر 10 مىڭ ا ق ش دوللارى كولەمىندە اقشالاي سىياقى الدى.
21 جىلدىق تاريحى بار حالىقارالىق پۋسان كينوفەستيۆالىندە World Premiere-سى (الەمدىك پرەمەراسى) وتكەن «ءولىارا» فيلمىنىڭ قويۋشى رەجيسسەرى ەلزات ەسكەندىر - تەمىربەك جۇرگەنوۆ اتىنداعى قازاق ۇلتتىق ونەر اكادەمياسىنىڭ تۇلەگى، يراكلي كۆيريكادزە شەبەرحاناسىندا ءتالىم العان جاس كينوگەر.
سسەناري اۆتورلارى - ەلزات ەسكەندىر جانە ءومىرجان ءابدىحالىق ۇلى. باستى رولدەردە - بەلگىلى اكتەرلەر اسىلبولات سماعۇلوۆ، بايان قاجىنابييەۆا، دۋلىعا اقمولدا جانە بالانىڭ ءرولىن ماقسات ءابدىراحمان وينادى.
ەلزات ەسكەندىردىڭ ماراپاتتالىپ جاتقان ءساتىن فەيسبۋك الەۋمەتتىك جەلىسىندە ياكۋتيالىق SREDA ستۋدياسىنىڭ قويۋشى وپەراتورى يۆان سەمەنوۆ قۇتتىقتاپ، وسى ءساتتى ماڭگى ەستە ساقتايتىنىن ايتتى.
