باتىس قازاقستاندىق ونەر شەبەرلەرى قازان قالاسىندا كونسەرت قويدى - فوتو
«مۋزەي كەڭىستىگىندەگى مۋزىكا» تاقىرىبىندا وتكەن حالىقارالىق عىلىمي- تاجىريبەلىك كونفەرەنتسياعا بقو تاريحي- ولكەتانۋ مۇراجايى مەن ج. مولداعاليەۆ اتىنداعى وبلىستىق عىلىمي- امبەباپ كىتاپحانا وكىلدەرى قاتىسسا، وركەستر (باس ديريجەرى، «دارىن» مەملەكەتتىك جاستار سىيلىعىنىڭ يەگەرى، رەسپۋبليكالىق ديريجەرلار بايقاۋلارىنىڭ لاۋرەاتى، قازاقستان كومپوزيتورلار وداعىنىڭ مۇشەسى ەركىن نۇرىمبەتوۆ جانە ديريجەرى، قازاقستاننىڭ ەڭبەك سىڭىرگەن قايراتكەرى قىرىمگەرەي قاجىموۆ) س. سايداشيەۆا اتىنداعى ۇلكەن كونسەرتتىك زالدا ءوز ونەرلەرىن كورسەتتى. كونتسەرتتە قازاقستاننىڭ ەڭبەك سىڭىرگەن قايراتكەرى حاتيموللا بەردىعاليەۆ، قازاقستاننىڭ ەڭبەك سىڭىرگەن ارتىستەرى قاناتقالي قوجاقوۆ پەن جۇماعانىم راحيموۆا، تاتارستاننىڭ ەڭبەك سىڭىرگەن مادەنيەت قىزمەتكەرى ەلميرا ءامىروۆا، رەسپۋبليكالىق بايقاۋلاردىڭ لاۋرەاتى ايبار قايىرحانوۆ سىندى انشىلەر ساحناعا شىقتى.
كونتسەرتتى قازان قالاسىنىڭ زيالى قاۋىم وكىلدەرىمەن بىرگە تاتارستان رەسپۋبليكاسىنىڭ مادەنيەت ءمينيسترى ايرات سيباگاتۋللين، قازاقستاننىڭ تاتارستانداعى باس كونسۋلى اسحات نۇسقابايەۆ تاماشالاپ، ريزاشىلىقتارىن ءبىلدىردى. باتىس قازاقستاندىقتاردى باستاپ بارعان وبلىستىق مادەنيەت، مۇراعاتتار جانە قۇجاتتاما باسقارماسى باسشىسىنىڭ ورىنباسارى گۇلميرا قاۋلانوۆا ەكى ەل اراسىنداعى مۇنداي بايلانىستىڭ الداعى ۋاقىتتا دا جالعاساتىنىنا سەنىم ءبىلدىردى.
«نازيب جيگانوۆ اتىنداعى مەموريالدىق مۋزەيىنىڭ 25 جىلدىعىنا باتىس قازاقستاندىقتاردىڭ شاقىرىلۋى تەگىن ەمەس. ويتكەنى كلاسسيكالىق تۋىندىلار جازىپ، سونىمەن قاتار تاتارستان جانە ك س ر و كومپوزيتورلار وداعىن، قازان كونسەرۆاتورياسىن باسقارعان مەملەكەت جانە قوعام قايراتكەرى نازيب جيگانوۆتىڭ بالالىق شاعى وسى ورالدا ءوتتى.
سوندىقتان اتالمىش مەرەيتويعا وبلىس اكىمى التاي كولگىنوۆتىڭ قولداۋىمەن اق جايىقتان 45 ادام ارنايى بارىپ، تۋىسقان حالىقتىڭ قۋانىشىنا ورتاقتاستى. كونتسەرتتە نازيب جيگانوۆتىڭ شىعارمالارى، تاتار حالقىنىڭ ءان-بيلەرى دە ورىندالدى»، دەدى قازاقپارات تىلشىسىنە ب ق و مادەنيەت، مۇراعاتتار جانە قۇجاتتاما باسقارماسىنىڭ باسشىسى داۋلەتكەرەي قۇسايىنوۆ.
اۆتور: ەلجان ەرالى
